Trefnu Gwaith Adeiladu

Cyllidebu

Gwnewch yn siŵr eich bod yn cyfrifo cyllideb cyn dechrau ailwampio eiddo gwag. Mae'r Asiantaeth Tai Gwag yn awgrymu cyllidebu ar gyfer swm wrth gefn o 10% o leiaf, ac os yw'r eiddo yn adfeiliedig iawn, dylai fod yn agosach at 25%.

Yswiriant

Cysylltwch â’ch cwmni yswiriant i drafod y gwaith sydd wedi’i gynllunio a’r amserlenni i wneud yn siŵr bod gennych y lefel gywir o yswiriant  

Cyfyngiadau Cyfreithiol

Mae syniadau llawn dychymyg ar gyfer ailddatblygu eiddo gwag yn dda, ond os na fydd yn cael caniatâd cynllunio neu ganiatâd rheoliadau adeiladu, bydd angen i chi feddwl eto. Efallai bydd angen i chi ystyried os yw’r eiddo yn Adeilad Rhestredig neu mewn ardal gadwraeth.

Dewis adeiladwr

Gall y gwaith adeiladu fod yn ddrud a gall fod yn llawn straen felly mae’n bwysig dewis yr adeiladwr cywir i weithio i chi. Nid dim ond y 'cowbois' anonest rydych angen eu hosgoi, nid yw rhai masnachwyr gonest a diffuant iawn yn addas i wneud y gwaith chwaith.

Gallwch siarad â’ch teulu neu ffrindiau am argymhellion ac mae nifer o wefannau ar gael:

• Prynwch efo Hyder – Cymeradwywyd gan Safonau Masnach
• Cyngor ar Bopeth
• Sefydliad Siartredig Adeiladu
• Ffederasiwn y Meistr Adeiladwyr gan gynnwys contract “Plain English” y gellir ei lawrlwytho ac Arweiniad Hanfodol i Wella Tai
• Mae Trustmark  yn sefydliad nid er elw sy’n cael ei gefnogi gan y Llywodraeth sy'n eich galluogi i chwilio ar-lein yn ôl cod post am grefftwyr lleol