Rownd ddiweddaraf o gyllid Partneriaeth Bwyd Conwy
Ydi eich ysgol, sefydliad neu grŵp cymunedol yn cynnal digwyddiad neu weithgaredd sy’n ymwneud â bwyd?
Gwahoddir ceisiadau rŵan ar gyfer y rownd ddiweddaraf o gyllid Partneriaeth Bwyd Conwy. Mae’n bosib bod grantiau hyd at £2000 ar gael ar gyfer digwyddiadau neu weithgareddau sy’n dod â chymunedau ynghyd trwy fwyd maethlon.
Mae Partneriaeth Bwyd Conwy yn fenter a ariennir gan Lywodraeth Cymru sy’n dod â budd-ddeiliaid amrywiol at ei gilydd ac yn annog cydweithio i sicrhau system fwyd cryfach yng Nghonwy. Nod y bartneriaeth yw lleihau milltiroedd bwyd, rhoi mwy o fynediad at fwyd iach a fforddiadwy i bawb, a grymuso cymunedau gyda gwybodaeth a sgiliau fel eu bod yn teimlo'n hyderus wrth dyfu, prynu a choginio cynnyrch lleol maethlon, a deall manteision gwneud hynny.
Mae’r Bartneriaeth eisoes wedi cefnogi sawl menter yn cynnwys prosiectau garddio mewn ysgolion, sesiynau coginio a bwyta a gerddi cymunedol.
Bydd grantiau ar gyfer digwyddiadau a gweithgareddau cymwys yn cael eu dyfarnu ar sail y cyntaf i’r felin. Dyddiad cau ar gyfer ceisiadau yw dydd Mercher 7 Awst 2024 ac bydd angen darparu’r prosiectau cyn 31 Hydref 2024.
Anfonwch e-bost at liz.gordon@conwy.gov.uk i wneud ymholiad ac i ofyn am ffurflen gais.
Am fwy o wybodaeth am Bartneriaeth Fwyd Conwy, ewch i: Partneriaeth Fwyd Conwy – Cyngor Bwrdeistref Sirol Conwy
Wedi ei bostio ar 19/07/2024