Mae cyfraith ailgylchu newydd yn y gweithle yn dechrau o 6 Ebrill 2024. Mae'n golygu y bydd angen i bob busnes, elusen a sefydliad sector cyhoeddus ddidoli eu gwastraff i'w ailgylchu yn yr un ffordd ag y mae'r rhan fwyaf o aelwydydd yn ei wneud nawr.
Y nod yw gwella ansawdd a maint yr ailgylchu yng Nghymru.
Yr hyn y mae'r gyfraith newydd yn ei olygu
Bydd yn rhaid i bob gweithle wahanu'r deunyddiau canlynol i'w casglu:
- Bwyd
- Papur a cherdyn
- Gwydr
- Metelau, plastigau a chartonau
- Tecstilau heb eu gwerthu
- Offer trydanol ac electronig gwastraff bach heb eu gwerthu (sWEEE)
Bydd gwaharddiad hefyd ar:
- Anfon unrhyw wastraff bwyd (o ba faint bynnag) i garthffosydd
- Gwastraff a gesglir ar wahân sy’n mynd i safleoedd llosgi a thirlenwi
- Pob gwastraff pren sy’n mynd i safleoedd tirlenwi
Mae hefyd yn berthnasol i'r holl gasglwyr a phroseswyr gwastraff ac ailgylchu sy'n casglu ac yn rheoli gwastraff o weithleoedd.
Am fwy o wybodaeth ewch i Ailgylchu yn y Gweithle, mae'n bryd i ni sortio hyn (Llywodraeth Cymru)