Y Gronfa Adfywio Cymunedol
Y Gronfa Adfywio CymunedolAr ddechrau Haf 2022, derbyniodd y Ganolbwynt y newyddion fod rhaglen Cronfa Adnewyddu Cymunedol y DU yn cael ei ymestyn am chwe mis arall.Roedd hynny’n golygu fod y Ganolbwynt wedi gallu rhoi cefnogaeth bellach a chyflwyno cyrsiau datblygu i deuluoedd sy’n defnyddio gwasanaethau gofal cymdeithasol trwy ddefnyddio gweithgareddau anturus yn yr awyr agored i hybu cyfranogiad a chysylltiad, gan godi hyder, a gwella’r ffordd y mae teuluoedd yn cyfathrebu ac yn ymwneud â’i gilydd.
Daeth y datblygiad hwn ynghyd â phrosiectau eraill i ben ddiwedd Rhagfyr 2022 a chyflawnwyd y canlynol:
Hyder yn Dy Hun
Roedd y prosiect hwn yn canolbwyntio ar leihau ynysiad cymdeithasol, datblygu gwytnwch, cynyddu hyder/hunan-barch, datblygu sgiliau ymarferol, ariannol, digidol a chyflogadwyedd, gwirfoddoli, ennill cymwysterau, gwella iechyd corfforol a meddyliol.
Roedd yn darparu cefnogaeth sylweddol i gyfranogwyr gyda gweithgareddau wythnosol yn cynnwys gwahanol fathau o hyfforddiant, gweithgareddau anturus, celf a chrefft, a chyflawnwyd y canlynol:
- Cefnogwyd 56 o gyfranogwyr a dywedodd pob un fod y rhaglen wedi gwella eu cynhwysiad cymdeithasol a lleihau rhwystrau cymdeithasol
- Mynychodd 46 o gyfranogwyr hyfforddiant neu sesiynau addysgol
Roedd yn eithriadol o lwyddiannus ac mae’r fideo pwerus 7 munud o hyd hwn ar Vimeo yn cynnwys cyfranogwyr yn siarad am eu prosiect, eu cefndir a sut y mae ‘Confidently You’ wedi trawsnewid eu bywydau.
Cwnsela Therapiwtig
Cwnsela a/neu hyfforddi tymor byr oedd hyn sy’n canolbwyntio ar waith i gefnogi pobl i oresgyn rhwystrau iechyd meddwl i gyflogaeth, dan arweiniad RCS Wales. Buont yn cefnogi 50 o gyfranogwyr a dywedodd 84% fod eu gallu i weithio wedi gwella o ganlyniad i’r ymyrraeth a dywedodd 84% fod eu hiechyd wedi gwella hefyd.
Coleg Adfer Iechyd Meddwl
Prif ganlyniad y prosiect hwn oedd Cynllun Arloesi i nodi’r sail ar gyfer Coleg Adfer Iechyd Meddwl i Gonwy.
Roedd y cynllun yn seiliedig ar ymgynghoriad, trafodaethau gyda budd-ddeiliaid a gwaith cyd-gynhyrchu gyda phobl oedd yn gwirfoddoli i gymryd rhan - fel unigolion sydd â phrofiad o iechyd meddwl ac fel cynrychiolwyr sefydliadau sydd am gymryd rhan. Dangosodd y Cynllun y byddai Coleg Adfer Iechyd Meddwl o fudd i’r sir ac mae ffynonellau cyllid yn cael eu harchwilio ar hyn o bryd.
Cyrsiau Llwybr a Datblygiad
Roedd dwy elfen benodol i’r Rhaglen. Roedd y Cyrsiau Llwybr yn darparu hyfforddiant penodol i sectorau i gyfranogwyr sy’n barod am waith a oedd yn canolbwyntio ar sectorau y mae galw lleol amlwg amdanynt. Bwriad y Cyrsiau Datblygiad oedd ymgysylltu â phobl oedd yn bellach o’r farchnad lafur er mwyn ennyn eu diddordeb mewn dewisiadau datblygu fel rhan o daith hirach tuag at gyflogaeth.
- Cynhaliwyd 36 cwrs
- Cwblhaodd 149 o gyfranogwyr gwrs yn llwyddiannus
- Cafodd 31 o gyfranogwyr gefnogaeth i gael gwaith
- Cafodd 69 o gyfranogwyr gefnogaeth i ennill cymhwyster
- Cafodd 24 o gyfranogwyr gefnogaeth i ymgysylltu â sgiliau bywyd
- Enillodd 84 o gyfranogwyr gymwysterau nad ydynt wedi’u cofrestru â OFQUAL
Canolbwyntiau Adferiad mewn Llyfrgelloedd Cymunedol
Roedd hwn yn brosiect peilot a oedd yn darparu gwasanaethau mewn llyfrgelloedd y mae darparwyr gwasanaeth fel arfer yn eu darparu o’u heiddo eu hunain neu nad oeddent ar gael yn lleol. Roedd y cam yn llwyddiannus a defnyddiwyd y gwasanaethau 2,774 o weithiau, a chynhaliwyd 261 o sesiynau cefnogaeth a thrafodaeth gyda chyfranogwyr unigol a gobeithir y bydd hyn yn parhau.
Roedd y rhaglen CRF yn llwyddiant wrth gyflawni buddion economaidd i’r cyfranogwyr a hefyd ar gyfer y cyflogwyr o ystyried y sgiliau presennol a’r diffyg mewn llafurwyr, ac ni ddylid tanbrisio’r gwahaniaeth positif y mae’r prosiectau wedi’u cael ar fywydau nifer o bobl.