Yng Nghonwy, mae seremonïau dinasyddiaeth yn gyfle i groesawu dinasyddion newydd i'r Sir, atgyfnerthu eu hawliau a'u cyfrifoldebau a'u hannog i gymryd rhan weithgar yn y gymuned leol.
Yn y Seremoni, mae'n rhaid i bob ymgeisydd dyngu llw o deyrngarwch i'r Goron ac addo cynnal gwerthoedd a chyfreithiau'r Wlad. Mae'r seremonïau yng Nghonwy yn achlysuron llawn mwynhad ac ystyr, ac mae Arglwydd Raglaw Ei Mawrhydi neu un o'i ddirprwyon, yr Aelod Cabinet Gwasanaethau Corfforaethol a Rheoleiddio sef y Cynghorydd Philip Evans yn bresennol. Mae'r seremoni yn cael ei chynnal gan y Cofrestrydd Arolygu.
Yn lle mae’r seremonïau yn cael eu cynnal?
Cynhelir y seremonïau yn Neuadd y Dref, Llandudno bob pedair i chwe wythnos ar ddydd Sadwrn, fel arfer am 10.30am.Gellir eu cynnal ar gyfer grwpiau o hyd at 10 o bobl. Cewch ddod â hyd at 5 gwestai gyda chi ac fel arfer bydd lluniaeth ar gael.
Cysylltwch â Gwasanaeth Cofrestru