Os yw'r fideo Camerâu Goruchwylio yn cynnwys 'data personol' a'i fod yn dangos unrhyw unigolyn y gellir ei (h)adnabod, yna, bydd yn cael ei reoli gan y Ddeddf Diogelu Data a Rheoliadau Diogelu Data Cyffredinol (GDPR). . Mae gennych chi hawl i weld lluniau ohonoch chi eich hun (data personol) sydd efallai wedi'i recordio ar system Camerâu Goruchwylio.
Pan fydd unigolyn yn gofyn am weld data personol amdanynt sydd wedi ei gadw, bydd yn rhaid iddynt lenwi ffurflen gais Gwybodaeth Bersonol. Bydd rhaid i'r unigolyn hwnnw / honno (gwrthrych y data) ddangos prawf o bwy ydynt a chyflwyno dogfennau gwreiddiol. Mae copi o'r ffurflen gais i gael gweld Gwybodaeth Bersonol ar gael o'r Uned Rheoliadau Gwybodaeth.
Dim ond am 31 diwrnod y bydd y fideo'n cael ei gadw a bydd yn cael ei ddileu ar ddiwedd y cyfnod hwn.
Os gofynnir am fideo sy'n dangos digwyddiad ac nid yw'n bosibl adnabod unigolyn, bydd yn cael ei ddarparu, ond byddwn yn codi tâl am y gwasanaeth hwn fel y nodwyd yn y cynllun cyhoeddi trwy glicio ar y ddolen hon. Y ffioedd perthnasol yw:
- £85 yr awr a TAW (neu am ran o'r awr) i weld y recordiad a,
- £85 a TAW am gopi o'r ddisg
Gweld Lluniau Camerâu Goruchwylio
Anfonwch gais ysgrifenedig i gael rhyddhau data at:Adain Camerâu Goruchwylio Mannau Cyhoeddus
Y Gwasanaeth Rheoleiddio
Blwch Post 1
Conwy
LL30 9GN
Os oes gennych unrhyw ymholiadau cysylltwch â:
E-bost: info-gov.unit@conwy.gov.uk
Rhif Ffôn: (01492) 574016