Mae’n rhaid i chi ofalu:
- bod eich ci’n cael microsglodyn a’i gofrestru ar gronfa ddata cyn iddo fod yn 8 wythnos oed.
- bod gan eich ci goler a thag gyda’ch enw a’ch cyfeiriad arno pan fyddwch mewn lle cyhoeddus.
Gofalwch bod y bridiwr wedi microsglodynnu a chofrestru eich ci bach ar gronfa ddata microsglodynnau cymeradwy cyn i chi fynd ag o adref.
Mae Gwefan GOV.UK yn rhoi rhestr o gronfeydd data sy’n bodloni safonau’r llywodraeth.
Pwy all ficrosglodynnu eich ci?
Mae’n rhaid i ficrosglodyn eich ci gael ei osod gan rywun proffesiynol sydd wedi’u hyfforddi i wneud hynny.
Gallwch ofyn i filfeddyg neu ganolfan achub ac ailgartrefu cŵn lleol os gallant ficrosglodynnu eich ci. Efallai y bydd ffi am wneud hyn.
Beth fydd yn digwydd pan fydd ci yn cael microsglodyn?
- Mae microsglodyn eich ci yn cynnwys rhif a fydd i’w weld os caiff eich ci ei sganio.
- Chi sy’n gyfrifol am gadw’r wybodaeth ar ficrosglodyn eich ci’n gyfredol, er enghraifft os ydych yn symud tŷ dylech gysylltu â’r cwmni sy’n cynnal y gronfa ddata y mae’r ci wedi’i gofrestru ag o i ddiweddaru eich manylion.
Darganfod ymhle y mae eich ci wedi’i gofrestru
Gallwch wirio rhif y microsglodyn os nad ydych yn siŵr ar ba gronfa ddata y mae eich chi wedi’i gofrestru:
- milfeddyg
- warden cŵn
- canolfan achub anifeiliaid
Cosbau
- Gellir eich dirwyo hyd at £5000 os nad oes gennych goler a thag ar eich ci.
- Gellir eich dirwyo hyd at £500 os nad yw eich ci wedi’i ficrosglodynnu.
- Gellir eich dirwyo hyd at £5000 os na ydych yn cadw eich cofnodion yn gyfredol.