Rydym ni weithiau’n rhoi cludiant am ddim i ddysgwyr 16 i 18 mlwydd oed sy’n astudio’n llawn amser.
Cwestiwn 1: Dylem barhau i roi cludiant am ddim i ddysgwyr ôl-16.
Cwestiwn 2: Dylem ond rhoi cludiant am ddim i’r chweched dosbarth neu’r coleg agosaf, hyd yn oed os nad yw’n cynnig y cyrsiau mae’r dysgwr eu heisiau.
Atebodd 312 o bobl y cwestiynau hyn.
Ymatebion i gwestiwn 1
- Cytuno'n gryf: 201
- Cytuno: 57
- Niwtral: 8
- Anghytuno: 19
- Anghytuno'n gryf: 27
Ymatebion i gwestiwn 2
- Cytuno'n gryf: 27
- Cytuno: 36
- Niwtral: 27
- Anghytuno: 84
- Anghytuno'n gryf: 138
Y rheolau
Rhaid i ddysgwyr fyw 3 milltir neu fwy oddi wrth eu hysgol uwchradd neu leoliad addysg ôl-16 arall agosaf.
Rydym ni’n cludo i’r lleoliad agosaf sy’n cynnig y rhan fwyaf o’r cyrsiau maen nhw am eu hastudio.
Efallai y bydd rhaid i ddysgwyr gyrraedd y pwyntiau casglu ar gyfer cludiant.
Rhai sylwadau
"Dylai pob plentyn cymwys dderbyn cludiant am ddim oherwydd hebddo, y cyfan y mae’n ei greu yw rhwystrau pellach i dderbyn addysg pan fo cymaint o rwystrau amgylcheddol, ariannol ac emosiynol eisoes yn bodoli."
"Cofiwch am blant cefn gwlad sy’n gwbl ddibynnol ar gludiant i’r ysgol. Nid ydym mewn sefyllfa i ddibynnu ar na defnyddio cludiant cyhoeddus gan nad yw’n ddigonol yn yr ardal."
"Dylai rhieni / gwarcheidwaid fod yn gyfrifol am sicrhau bod eu plant yn cyrraedd yr ysgol. Mae’n ddewis ‘braf i’w gael’ os gall y cyngor fforddio gwneud hynny, ond ar hyn o bryd nid yw hynny’n wir."
"Dylai myfyrwyr ôl-16 fod yn yr un sefyllfa ag unrhyw un nad yw mewn addysg sy’n gorfod talu ei ffordd ei hun; nid ydych yn derbyn unrhyw gymorth cludiant os ydych yn hunangyflogedig, yn gyflogedig, yn brentis ac ati."
"Dylid rhoi pob cefnogaeth i fyfyrwyr ôl-16 i’w cadw mewn addysg."
"Dylai Conwy roi cymaint o gyfleoedd ag sy’n bosibl i’n pobl ifanc lwyddo - nhw yw ein dyfodol."
Tudalen nesaf: Ymatebion i ran 7
Tudalen flaenorol: Ymatebion i ran 5