Os ydych yn ddigartref neu mewn perygl o ddod yn ddigartref, mae angen i chi gysylltu â Datrysiadau Tai Conwy. Byddant yn gofyn cwestiynau i chi ac yn asesu eich anghenion.
Gallwch gael cwmni ffrind, teulu, eiriolwr neu weithiwr cefnogi pan fyddwn yn asesu eich anghenion. Gallant eich helpu i chi gofio’r wybodaeth yn ystod y cyfarfod. Os ydych angen help dod o hyd i eiriolwr neu weithiwr cefnogi, gadewch i ni wybod.
Os oes gennych unrhyw anghenion cyfathrebu; gallai hyn gynnwys ond heb fod yn gyfyngedig i: dewis iaith, dolen glywed, gadewch i ni wybod ac fe fyddwn yn gwneud y trefniadau gofynnol.
Bydd Swyddog Atal Digartrefedd yn eich cynghori. Bydd y swyddog yma yn eich cynghori a’ch cefnogi nes nad ydych dan fygythiad o fod yn ddigartref.
Os byddai'n well gennych siarad â swyddog o'r un rhyw â chi, nodwch hyn pan fyddwch yn cysylltu â ni a byddwn yn ceisio trefnu hyn.
Sylwer: Er mwyn ceisio’ch atal rhag dod yn ddigartref, efallai byddwn angen cysylltu â'ch cwmni morgais neu landlord. Er mwyn asesu eich cais yn llawn, efallai bydd angen i ni gysylltu â chyn-landlordiaid am wybodaeth.
Cysylltwch â ni
Os ydych yn ddigartref neu dan fygythiad o ddod yn ddigartref, cysylltwch â ni.
- Gallwch hefyd gyflwyno ymholiad i’r tîm yn defnyddio ein ffurflen ar-lein.
Oriau agor
- Dydd Llun i ddydd Iau - 8:45am i 5:15pm
- Dydd Gwener - 8:45am i 4:45pm.