Gallwch wneud cais am addasiad tai trwy ‘Un Pwynt Mynediad’ mewn amrywiaeth o ffyrdd:
(1) Defnyddiwch ein ffurflen ymholiad ar-lein
(2) Drwy ffonio 0300 456 1111 (Llun – Iau 9.00am – 4.45pm a dyddiau Gwener 9.00am – 4.15pm)
I’n helpu i ymdrin â’ch ymholiad yn effeithlon, rydym angen gwybod y canlynol:
- Eich enw a’ch cyfeiriad
- Os ydych chi’n denant preifat, byddwch angen caniatâd eich landlord ar gyfer unrhyw waith addasu. Heb ganiatâd y landlord ni allwn brosesu eich cais.
- Rhowch gymaint o wybodaeth â phosibl i ni i’n helpu i ddelio â’ch cais.
Ar ôl i chi gael eich atgyfeirio at Therapydd Galwedigaethol:
- Byddwn yn cynnig apwyntiad ar amser sydd yn gyfleus i chi, er mwyn cynnal asesiad Therapydd Galwedigaethol/Asesydd Cymwys ac asesiad Technegol o’r eiddo (os oes angen).
- Cewch wybod beth fydd canlyniad yr asesiadau uchod.
- Os fyddwch chi’n llwyddiannus, cewch wybod beth yw’r prif gamau i wneud yr addasiad, gan gynnwys amserlenni disgwyliedig.
- Os mai peidio ag addasu eich cartref yw’r penderfyniad a’r dewis gorau i fodloni eich anghenion tymor hir, cewch wybod yn ysgrifenedig a’ch gwahodd i drafod eich opsiynau gyda’r adran/timau perthnasol.