Cyfeirnod: CCBC-048512
Deddf Priffyrdd 1980 - Adran 26 Hysbysiad ynglŷn â gwneud Gorchymyn
Gorchymyn Bwrdeistref Sirol Conwy (Llwybr Cyhoeddus Rhif 7a Eglwysbach) (Creu Llwybr Cyhoeddus) 2024
Bydd y Gorchymyn uchod a wnaed ar 25 Ionawr 2024 gan Gyngor Bwrdeistref Sirol Conwy dan Adran 26 Deddf Priffyrdd 1980, yn creu darn o Lwybr Troed Cyhoeddus yng Nghymuned Eglwysbach a elwir yn Llwybr Troed 7a Eglwysbach. Bydd yn dechrau wrth y gamfa o lwybr troed 7 uwchlaw hen chwarel yng nghyfeirnod grid SH 80871 70697, ac yn mynd i gyfeiriad y dwyrain am oddeutu 30m ac yna’n mynd i lawr i gyfeiriad y de ar ochr ddwyreiniol hen chwarel am oddeutu 90m tuag at gamfa, ac yn dod i ben wrth y gyffordd gyda Ffordd Gyffylog yng nghyfeirnod grid SH 80935 70605. Hyd y llwybr yw tua 120m ac mae 2m o led.
Gellir gweld copi o’r Gorchymyn ar wefan y Cyngor ac yn Swyddfeydd y Cyngor, Coed Pella, Bae Colwyn, yn ystod oriau swyddfa arferol. Rhaid anfon unrhyw sylwadau neu wrthwynebiadau i'r Gorchymyn yn ysgrifenedig at cyfreithiol@conwy.gov.uk ddim hwyrach na 1 Mawrth 2024.
Os na dderbynnir unrhyw sylwadau neu wrthwynebiadau, neu os bydd rhai a wneir yn cael eu tynnu'n ôl, gall Cyngor Bwrdeistref Sirol Conwy gadarnhau’r Gorchymyn fel Gorchymyn diwrthwynebiad. Os caiff y Gorchymyn ei anfon at Weinidogion Cymru i'w gadarnhau, bydd unrhyw sylwadau neu wrthwynebiadau sydd heb gael eu tynnu'n ôl yn cael eu hanfon gyda'r Gorchymyn.
Dyddiedig: 31 Ionawr 2024
Ceri Williams
Legal Services Manager
Tudalen Nesaf: Map