Mae gennym ystod eang o lyfrau ffeithiol, nofelau a barddoniaeth i ysbrydoli, addysgu, lleddfu neu godi hwyliau.
Gwybodaeth Iechyd a Lles Macmillan yn Llyfrgell Llanrwst
Mae Canolfan Lles Macmillan wedi ei sefydlu yn y llyfrgell gydag ystod o wybodaeth sy'n ymwneud â chanser a salwch cronig eraill. Mae’r Ganolfan hefyd yn cynnwys gwybodaeth ehangach am iechyd ochr yn ochr â ffuglen a barddoniaeth gadarnhaol i godi hwyliau.
Cynllun Llyfrau ar Bresgripsiwn i Oedolion
Mae ystod o lyfrau hunangymorth ar gael o'n holl lyfrgelloedd i helpu gyda chyflyrau fel:
- pryder
- iselder
- anhwylderau bwyta
- profedigaeth
- dementia
- hunanhyder isel
Llyfrau ar Bresgripsiwn Cymru - rhestr lyfrau
Llyfrau Llesol (Cymru)
Mae gennym amrywiaeth o lyfrau hunangymorth ar gael yn ein llyfrgelloedd i blant a phobl ifanc i'w helpu i ymdrin â materion emosiynol ac i roi arweiniad ychwanegol. Mae gennym hefyd lyfrau i helpu i arwain rhieni a gwarcheidwaid.
Mae'r llyfrau yn cynnwys pynciau fel:
- profedigaeth
- ysgariad
- bwlio
- hunanhyder isel
- iselder
- glasoed
- dicter
Llyfrau Llesol Cymru - rhestr llyfrau
Cynllun ‘Make Friends with a Book’
Yn seiliedig ar fodel darllen ar y cyd Sefydliad Reader, ymunwch â ni bob wythnos i rannu stori fer a cherdd mewn lleoliad hamddenol ac anffurfiol. Gallwch wrando a mwynhau neu gael cyfle i ddarllen. Lluniaeth ar gael. Mae'n gyfle gwych i ddarganfod mwy am eich hun ac eraill drwy'r profiad o rannu llenyddiaeth wych. Yn rhad ac am ddim. Llyfrgell Llanrwst bob dydd Llun 3.30 - 5pm.
Mood Boosting Books
Mae'r cynllun ‘Mood-boosting Books’ gan Reading Well yn hyrwyddiad cenedlaethol o deitlau sy’n codi hwyliau, gan gynnwys nofelau, barddoniaeth a llyfrau ffeithiol. Mae'r llyfrau yn cael eu hargymell gan ddarllenwyr a grwpiau darllen o amgylch y wlad.
Reading Well Mood-boosting Books - rhestr lyfrau