Ynglŷn â’r ymgynghoriad
Cynhaliwyd yr ymgynghoriad cyhoeddus ar gyfer Cynllun Llwybr Teithio Llesol Glan Conwy i Gyffordd Llandudno o 23 Ionawr i 17 Chwefror 2023.
Roedd deunyddiau ymgynghori ar gael ar wefan y Cyngor, fel pecyn papur i’w bostio, ac mewn digwyddiad galw heibio cyhoeddus a gynhaliwyd yn Nhŷ’r Eglwys, Glan Conwy ar 1 Chwefror 2023.
Hyrwyddwyd yr ymgynghoriad ar y cyfryngau cymdeithasol, mewn datganiadau i’r wasg, ar wefan y Cyngor ac mewn posteri a llythyrau at fudd-ddeiliaid lleol.
Roedd deunyddiau’r ymgynghoriad yn egluro’r amcanion y byddai’r cynllun yn eu bodloni, gan ddarparu mynediad teithio llesol i bawb, i’r gwaith, addysg a gwasanaethau. Byddai’r cynllun yn cysylltu Glan Conwy a Chyffordd Llandudno ar gyfer pobl sy’n cerdded, ar olwynion ac yn beicio.
Roedd yr ymgynghoriad yn rhoi cyfle i gymunedau ystyried 4 dewis a darparu adborth.
Ymatebion i’r ymgynghoriad
Ymatebodd 223 o bobl i’r ymgynghoriad
Roedd mwyafrif yr ymatebion yn dweud bod angen llwybr teithio llesol rhwng Glan Conwy a Chyffordd Llandudno.
Y dewis a ffafrir
- Dywedodd 104 o bobl (46%) mai Dewis 4 oedd y dewis yr oeddent yn ei ffafrio
- Roedd 50 o bobl (22%) yn ffafrio Dewis 7
- Roedd 36 o bobl (16%) yn ffafrio Dewis 5
- Roedd 4 o ymatebwyr yn ffafrio Dewis 4 a 5
Y dewis a ffafrir leiaf
- Dywedodd 137 o bobl (61%) mae Dewis 1 yr oeddent yn ei ffafrio leiaf
- Dywedodd 69 o bobl (31%) mae Dewis 7 yr oeddent yn ei ffafrio leiaf
Defnyddio’r llwybr teithio llesol
Dywedodd 148 o bobl (66% o’r ymatebwyr) y byddent yn defnyddio eu llwybr a ffafrir o leiaf unwaith yr wythnos.
- Dywedodd 75 o bobl y byddent yn ei ddefnyddio 1-2 diwrnod yr wythnos
- Dywedodd 41 o bobl y byddent yn ei ddefnyddio 3-4 diwrnod yr wythnos
- Dywedodd 32 o bobl y byddent yn ei ddefnyddio 5-7 diwrnod yr wythnos
Teithio presennol
Gofynnom i bobl ddweud wrthym ni sut maent fel arfer yn teithio rhwng Glan Conwy a Chyffordd Llandudno. Mae rhai pobl yn defnyddio mwy nac un math o gludiant
- Dywedodd 194 eu bod yn defnyddio car preifat
- Dywedodd 117 o bobl eu bod un ai’n cerdded neu’n beicio
- Mae 53 yn defnyddio math o gludiant cyhoeddus
Gofynnom i bobl ddweud wrthym ni beth sy’n eu hatal rhag cerdded, beicio neu fynd ar olwynion rhwng Glan Conwy a Chyffordd Llandudno ar hyn o bryd.
- Dywedodd 76 o bobl nad ydynt yn teimlo’n ddiogel oherwydd y traffig
- Dywedodd 40 o bobl fod y siwrnai yn cymryd gormod o amser ond dim ond 9 o bobl oedd yn dweud bod y siwrnai yn rhy bell.
- Dywedodd 18 o bobl nad oedd y llwybrau presennol yn hygyrch iddyn nhw
Beth nesaf?
Bydd canlyniadau’r ymgynghoriad cyhoeddus yn cael ei ychwanegu i’r broses werthuso Cam 2 WelTAG, fel rhan o asesu meini prawf derbynioldeb pob dewis.
Mae’r gwerthusiad hefyd yn cynnwys meini prawf economaidd, amgylcheddol, cymdeithasol a diwylliannol.
Bydd y dewis sy’n sgorio uchaf yn y broses werthuso yn cael ei symud ymlaen a’i ddatblygu fel y dewis a ffafrir yn y cam nesaf.