Mae gennych hawl i herio rhybudd talu cosb (dirwy am barcio) os credwch y cafodd ei rhoi yn anghywir.
Cam Un – Her Anffurfiol
Cysylltwch â ni i ddweud wrthym pam y credwch fod y gosb yn anghywir. Gallwch wneud hyn:
- ar y wefan hon gan ddefnyddio’r ffurflen ar-lein:
Sicrhewch eich bod yn cynnwys rhif y rhybudd talu cosb a’ch enw a chyfeiriad ar bob gohebiaeth. Gallwch hefyd gynnwys lluniau a dogfennau i gefnogi eich her.
Os byddwch yn cyflwyno her o fewn 14 diwrnod, byddwn yn dal y gosb yn ôl nes byddwn yn ymateb. Mae hyn yn golygu os na dderbyniwn eich her, gallwch o hyd dalu’r gyfradd â disgownt.
Os ysgrifennwch atom ar ôl y cyfnod disgownt o 14 diwrnod, rydych yn atebol am dalu’r swm llawn os na chaiff eich tocyn ei ganslo.
Byddwn yn ymateb i chi ac yn gadael i chi wybod os ydym yn derbyn eich her ai peidio.
- Os byddwn yn derbyn, byddwn yn canslo’r gosb.
- Os byddwn yn gwrthod eich her, gallwch dderbyn hyn a thalu'r gosb, neu wneud apêl ffurfiol (gweler Cam Dau).
Cam Dau – Apêl Ffurfiol
Os na fyddwn yn derbyn eich her, gallwch wneud apêl ffurfiol (a elwir hefyd yn gynrychiolaeth ffurfiol).
I wneud hyn, bydd angen i chi lenwi ffurflen Hysbysiad i’r Perchennog (NtO). Rydym yn anfon hwn at berchennog cofrestredig y cerbyd os na chaiff y rhybudd talu cosb ei dalu o fewn 28 niwrnod o’i ddyddiad cyhoeddi.
Os nad chi yw'r perchennog cofrestredig ond eich bod eisiau gwneud apêl ffurfiol, bydd angen i chi ofyn i’r perchennog cofrestredig am y ffurflen Hysbysiad i’r Perchennog. Mae yna adran ar y ffurflen lle gallwch roi eich manylion.
Byddwn yn anfon ymateb ysgrifenedig i'ch apêl ffurfiol.
- Os byddwn yn ei derbyn, byddwn yn canslo’r rhybudd talu cosb.
- Os byddwn yn gwrthod eich apêl, gallwch ddewis talu’r gosb, neu wneud apêl i’r Tribiwnlys Cosbau Traffig.
Cam Tri – Apêl i’r Dyfarnwr
Os byddwn yn gwrthod eich apêl ffurfiol yng Ngham Dau, gallwch wneud apêl i’r dyfarnwr annibynnol yn y Tribiwnlys Cosbau Traffig. Mae’r dyfarnwyr yn gyfreithwyr annibynnol ac mae eu penderfyniad yn derfynol.
Gallwch apelio ar-lein yn www.trafficpenaltytribunal.gov.uk.
Mae’r wefan yn egluro'r hyn y gall y dyfarnwr ei ystyried a sut i apelio.
Sylwer: Dim ond os ydych wedi gwneud apêl ffurfiol (Cam Dau) a bod hon wedi cael ei gwrthod gan y Cyngor y gall y Tribiwnlys Cosbau Traffig ystyried eich cais.
Os nad ydych yn gallu apelio ar-lein, gallwch ofyn am ffurflen bapur oddi wrth y Tribiwnlys Cosbau Traffig. Bydd manylion ynghylch sut gallwch wneud hyn wedi ei gynnwys yn ein ymateb i'ch apêl ffurfiol.