Mae’r awdurdod wrthi’n gwneud rhai newidiadau i’w weithdrefnau, ac fel rhan o’r newidiadau hyn gwnaed penderfyniad corfforaethol i beidio â derbyn taliadau arian parod na siec yn ein swyddfeydd o 1 Hydref 2018 ymlaen.
Felly os byddwch chi eisiau galw draw i wneud taliad, dim ond taliadau cerdyn electronig fydd yn cael eu derbyn neu gellir gwneud taliad ar-lein (ble bo’n addas) gan ddefnyddio un o’r terfynellau cyfrifiadur yn y dderbynfa.
Bydd y newid hwn yn digwydd ym mhob un o’r prif swyddfeydd yng Nghonwy, ond ni fydd yn berthnasol yn y Llyfrgelloedd, y Canolfannau Hamdden na Neuadd y Dref Llandudno, fydd yn parhau i dderbyn taliadau arian parod.
Fodd bynnag, byddwn yn parhau i dderbyn taliadau drwy siec a anfonir drwy’r post.