Yn ystod y 12 mis diwethaf, Cynllun Lle Towyn a Bae Cinmel oedd y Cynllun Lle cyntaf yng Nghonwy i gael ei fabwysiadu’n ganllaw cynllunio atodol. Ym mis Ionawr lansiodd Bae Colwyn ei Chynllun Lle ar gyfer y cymunedau o Hen Golwyn i Landrillo-yn-Rhos a mae Abergele yn dal i weld prosiectau Cynllun Lle yn cael eu cyflawni ar draws y dref.
Mae Towyn a Bae Cinmel bellach yn edrych ar recriwtio aelodau i’r bwrdd; ac mae Abergele wedi penodi Swyddog Rheoli Prosiect ac Ariannu i hwyluso’r Cynllun Lle gyda chyllid wedi’i sicrhau am flwyddyn arall. Mae Bae Colwyn hefyd wedi llwyddo i gael cyllid i benodi Rheolwr Cynllun Lle.
Ym mis Mehefin cynhaliwyd cyfarfod cyntaf Rhwydwaith Cynlluniau Lle Conwy, lle daeth cynrychiolwyr o’r tri phwyllgor Cynllun Lle at ei gilydd i drafod gwersi a ddysgwyd a phrosesau i’r dyfodol.
Cynllun Lle neu Gynllun Cymuned?
Llynedd cyflwynodd ein cydweithwyr yn y tîm Economi a Diwylliant raglen KickStarter Cynlluniau Lle, wedi’i dylunio i helpu cymunedau sy’n ystyried creu Cynllun Lle.
Gyda chefnogaeth Cymorth Cynllunio Cymru, cefnogwyd Cynghorau Tref Llanfairfechan, Penmaenmawr, Llanrwst a Chonwy i ddod â chymunedau a chynghorau tref at ei gilydd i edrych ar y posibilrwydd o ddatblygu Cynlluniau Lle yn eu hardaloedd.
Roedd yr ymarfer hwn yn cynnwys ymgynghoriad ynghylch materion pwysig yn y gymuned, pa un ai oes bylchau mewn darpariaeth a pha flaenoriaethau y dylid eu nodi.
Yn bwysig iawn, ystyriodd y cymunedau pa ddull sy’n diwallu anghenion eu cymuned orau ac ai Cynllun Lle ydi’r ffordd orau ymlaen.
Rydym ni hefyd wedi defnyddio dull rhagweithiol yn yr ardaloedd o gwmpas y pedwar safle strategol a nodwyd yn y CDLlN i hyrwyddo Cynlluniau Lle sy’n seiliedig ar safle fel dull posibl i gefnogi’r ardaloedd hyn i’r dyfodol.
Am fwy o wybodaeth, ewch i:
Am fwy o wybodaeth gyffredinol, ewch i:
Am fwy o wybodaeth am Abergele, Towyn a Bae Cinmel a Bae Colwyn: