Estynnodd y Cyngor wahoddiad i bobl gyflwyno tir ar gyfer cael ei ystyried i'w gynnwys yng Nghynllun Datblygu Lleol 2018- 2033 (CDLl) nesaf Sir Conwy. Roeddem yn chwilio am safleoedd ymgeisiol am ystod o ddefnydd tir gan gynnwys tai, gwaith, manwerthu, hamdden ac ati.
Nid yw'r Cyngor yn derbyn safleoedd posib' bellach fel rhan o Gam 3.
Cawsom gyfanswm o 175 safle, at ddefnydd preswyl yn bennaf. Mae pob safle posib’ y cawsom wedi’u rhestru fesul anheddiad ar y Gofrestr Safleoedd Ymgeisiol. Nid yw'r ffaith bod safle ymgeisiol wedi'i gynnwys ar y gofrestr yn golygu y bydd yn cael ei gynnwys yn y Cynllun Datblygu Lleol nesaf.
Rhwng 5 Awst 2022 a 30 Medi 2022, estynnodd y Cyngor wahoddiad i bobl gyflwyno tir ar gyfer cael ei ystyried i'w gynnwys yng Nghynllun Datblygu Lleol newydd Conwy, lle bydd o leiaf 50% o’r tai ar y safle at ddefnydd fforddiadwy yn unig.
Trwy ddefnyddio ein map gallwch weld yr holl safleoedd ymgeisiol. Cliciwch ar y botwm gwybodaeth i weld cyfeirnod y safle.
Proses Asesu
Gellir gweld y broses asesu yma:
Proses Asesu Safleoedd Ymgeisiol
Sylwadau am Safleoedd Ymgeisiol
Gallwch weld yr holl sylwadau a ddaeth i law am safleoedd ymgeisiol drwy'r system ymgynghori ar-lein neu yn yr adroddiad sylwadau.
System Ymgynghori
Adroddiad Sylwadau (PDF)
Safleoedd a gyflwynwyd ar ôl yr ymgynghoriad
Rydym wedi cael rhai safleoedd i’w hystyried ers yr ymgynghoriad cyhoeddus ar y Strategaeth a Ffefrir.
Rydym wedi eu hychwanegu i'r map safleoedd ymgeisiol a byddwn yn eu hasesu i weld a ydynt yn addas yn unol â chanllawiau Llywodraeth Cymru.
Cewch gyfle i gynnig sylwadau ar y safleoedd newydd hyn pan gyhoeddwn y Cynllun Datblygu Lleol i'w archwilio gan y cyhoedd (Gweler amserlen y Cynllun Datblygu Lleol yn y Cytundeb Cyflawni ar gyfer dyddiad yr ymgynghoriad).
Roedd yr ymgynghoriad ar y safleoedd ymgeisiol yn rhan o’r Strategaeth a Ffafrir
Cyfarwyddiadau'r System Ymgynghori (PDF)