Mae’n bosibl y caiff coed eu diogelu oherwydd Gorchymyn Diogelu Coed; oherwydd eu bod yn disgyn o fewn Ardal Gadwraeth; neu oherwydd eu bod yn destun Amod sy’n gysylltiedig â Chaniatâd Cynllunio.
Os ydych yn ystyried gwneud gwaith ar goeden neu wrych, gall y Swyddog Coed a Thirwedd ddweud wrthych a oes unrhyw fesur diogelu yn bodoli.
Gwybodaeth bellach
Anfon Cais trwy’r Post neu Ar-lein
Byddem bob amser yn argymell eich bod yn gwneud cais ar-lein. Ond gallwch hefyd ddefnyddio ein Dewiswr Ffurflen Bapur i lawrlwytho ffurflenni ar ffurf dogfennau PDF er mwyn eich caniatáu i’w hargraffu a’u defnyddio pan nad ydynt ar-lein.
Os yw’n well gennych, gallwch lenwi’ch ffurflen gais ac anfon dogfennau ategol a ffioedd trwy’r post.
Nid yw’r ffurflenni hyn yn rhyngweithiol a bydd angen i chi eu hargraffu cyn y gallwch eu llenwi.
Sylwch nad oes modd i gais cynllunio gael ei symud ymlaen nes bo’r holl wybodaeth ategol angenrheidiol a’r ffi briodol wedi’u derbyn.