Mae'r dudalen hon yn rhestru nifer o lyfrynnau ymgynghori y gallech gael gwahoddiad i'w llenwi ynglŷn â gwasanaeth y gallech fod yn ei dderbyn. Cliciwch ar y llyfryn rydych ei angen, a bydd y ffurflen we yn agor. Ar ôl i chi glicio "cyflwyno" ar y diwedd, bydd eich gwybodaeth yn cael ei hanfon at ein staff.
Os ydych yn profi unrhyw broblem wrth ddefnyddio unrhyw ffurflen, dywedwch wrthym drwy ddefnyddio'r adran ‘Gwerthuso'r dudalen’ ar waelod y dudalen hon.
- Derbyn Gofal - Dweud Eich Dweud - Adolygiad Statudol (fersiwn hŷn) - Mae’n rhaid cynnal adolygiad statudol yng Nghonwy i edrych ar y cynlluniau ar gyfer pob unigolyn ifanc sy’n derbyn gofal. Mae’r cyfarfod yn edrych ar y lle rydych yn byw ac os mai dyna’r man cywir i chi fod.
- Derbyn Gofal – Dweud Eich Dweud - Adolygiadau (fersiwn iau) - Adolygiadau yw eich cyfarfod i ddweud wrth bawb sut rydych yn teimlo am y man rydych yn byw a’r cynllun ar gyfer eich bywyd chi.
- Ymgynghoriad ar gyfer Gofalwyr Seibiant Byr - Mae'r cwestiynau canlynol wedi'u llunio er mwyn i chi gael rhoi sylwadau am unrhyw faterion mewn perthynas â'r lleoliad seibiant byr yr ydych yn ei ddarparu ar gyfer y plentyn. Gall hyn gynnwys y gefnogaeth yr ydych chi neu’r plentyn yn ei derbyn gan y Gwasanaethau Cymdeithasol.
- Ymgynghori Ar Gyfer Gofalwyr Maeth - Mae’r cwestiynau canlynol i ofalwyr maeth roi eu barn ar leoliad a chynllun y plentyn, i baratoi ar gyfer yr adolygiad plentyn.
- Fy Adolygiad Pathway - Mae eich adolygiad Pathway yng Nghonwy yn gyfarfod sy’n rhaid ei gynnal i edrych ar y cynlluniau i bob unigolyn 16+ sydd â chynllun Pathway.
- Llyfryn Ymgynghori Cyffredinol i Rieni - Bydd y cwestiynau canlynol yn eich helpu i baratoi ar gyfer adolygiad statudol eich plentyn/unigolyn ifanc. Yr adolygiad statudol yw cyfarfod gyda’r plentyn/unigolyn ifanc i edrych ar y rhesymau pam y maent yn derbyn gofal a darganfod a yw’r cynllun yn diwallu eu hanghenion.