Mae’r Ddeddf yn rhoi’r fframwaith cyfreithiol i wella lles pobl sydd angen gofal a chymorth, a Gofalwyr sydd angen cymorth, a thrawsnewid gwasanaethau cymdeithasol yng Nghymru.
Darllenwch y Ddeddf Gwasanaethau Cymdeithasol a Llesiant (Cymru).
Gallwch hefyd ddarllen cynnwys y Ddeddf mewn fersiwn hawdd i’w ddarllen a chrynodeb i bobl ifanc.
Mae'r ddogfen gwybodaeth hanfodol yn rhoi golwg ar y Ddeddf a'i fframwaith cyfreithiol ehangach.
Mae gwybodaeth am y rheoliadau a chodau ymarfer a chanllawiau statudol sy’n ategu'r Ddeddf ar gael hefyd.
Egwyddorion y Ddeddf yw:
Llais a rheolaeth
Rhoi chi a’ch anghenion wrth wraidd eich gofal, a rhoi llais a rheolaeth i chi er mwyn cael y canlyniadau sy’n sicrhau eich lles chi.
Atal ac ymyrryd yn gynnar
Cynyddu gwasanaethau atal yn y gymuned i’ch helpu chi’n gynt a lleihau’r angen am wasanaethau yn y dyfodol.
Lles
Eich cefnogi chi i sicrhau eich lles, a mesur llwyddiant unrhyw ofal a chymorth sy’n cael ei ddarparu i chi.
Cydweithio
Eich annog i fod yn gymaint o ran o gynllunio a darparu gwasanaethau ar eich cyfer ag ydych chi’n dymuno.
Mae'r hyn sy'n bwysig i chi yn bwysig i ni
Mae'r ffilm fer hon yn edrych ar y Ddeddf a sut fydd yn effeithio arnoch chi. Cafodd ei chreu gan Asiantaeth Gwella’r Gwasanaethau Cymdeithasol a’r Cyngor Gofal a phartneriaid eraill.
Y 'Weledigaeth Newydd' dan y Ddeddf
Mae hon yn ffilm gan y Sefydliad Economeg Newydd, sy'n trafod profiad unigolion o ddefnyddio gwasanaethau. Mae’n esbonio gweledigaeth y Ddeddf o gryfhau eich llais a rhoi mwy o reolaeth i chi.
Asesiadau Gofalwyr
Mae’r ffilm hon yn egluro sut mae gan Ofalwyr hawl gyfartal i gael eu hasesu i gael cymorth, er mwyn iddyn nhw allu bod yn ofalwr.
I gael mwy o wybodaeth, ewch i: