Adnodd hyfforddi ar-lein yw AC Education sydd ar gael i reolwyr sefydliadau ac asiantaethau gofal ei ddefnyddio ar gyfrifiaduron a gliniaduron yn fewnol, fel ffynhonnell ychwanegol o hyfforddiant.
Un o fanteision cynnig cyrsiau ar-lein yw y gallwch chi benderfynu ar yr amser gorau i’ch sefydliad gynnig hyfforddiant i’ch staff.
Mae AC Education wedi datblygu modiwl Hylendid Bwyd allai fod o fudd i chi – gallwch ddefnyddio’r modiwl mewn un sesiwn neu ei ymestyn dros nifer o ddyddiau neu wythnosau.
Mae’r modiwl yn cynnwys Deilliannau Dysgu, Llyfr Gwaith, prawf diwedd cwrs a’r dewis i argraffu rhannau o’r deunyddiau cwrs, yn ogystal â dolenni cyswllt i wefannau buddiol.
Drwy gwblhau’r cwrs byddwch chi a’ch staff yn gallu:
- Deall pwysigrwydd hylendid bwyd
- Adnabod y 4 math cyffredin o berygl bwyd
- Adnabod achosion, ffynonellau a symptomau gwenwyn bwyd
- Dysgu am gyfraith diogelwch bwyd
- Deall peryglon halogiad a sut i’w rheoli
- Adnabod mathau a ffynonellau halogiad
- Deall sut i baratoi, storio a gweini bwyd
Os hoffech chi gael mynediad at fodiwl Hylendid Bwyd AC Education, anfonwch neges e-bost at sc.training@conwy.gov.uk, er mwyn gallu trefnu i’r cwrs gael ei ddyrannu i chi.