Ydych chi'n ystyried gyrfa ym maes gofal cymdeithasol?
Mae Cyngor Bwrdeistref Sirol Conwy yn cynnal sesiwn galw heibio yn Llandudno ar 22 Gorffennaf ar gyfer unrhyw un sydd â diddordeb mewn swydd neu yrfa ym maes gofal cymdeithasol.
Mae’r digwyddiad yn gyfle i ddysgu am yrfaoedd gwerth chweil gofal cymdeithasol a darganfod effaith y rheiny ar fywydau pobl eraill.
Galwch heibio i gwrdd ag Emma Thomas, Mentor Cyflogaeth Gofal Cymdeithasol Conwy. Gall Emma ddarparu cefnogaeth un-i-un gyda’ch CV, ffurflenni cais a sgiliau cyfweld er mwyn eich helpu chi i gael eich swydd ddelfrydol!
Bydd gennym ni stondin tu allan i Boots a siop The Entertainer yng Nghanolfan Fictoria, 48 Mostyn Street, Llandudno. Galwch heibio unrhyw bryd rhwng 11am a 4pm ddydd Llun 22 Gorffennaf.
Wedi ei bostio ar 08/07/2024