Cronfa Ragoriaeth Conwy - rownd ddiweddaraf o gronfa
Mae modd i bobl dalentog mewn chwaraeon, addysg a’r celfyddydau anfon ceisiadau am gyllid o’r rownd ddiweddaraf o gronfa Cyngor Bwrdeistref Sirol Conwy.
Mae Cronfa Ragoriaeth Conwy yn cynnig cymorth grant i rai o dan 30 oed sydd un ai’n cystadlu ar lefel genedlaethol mewn chwaraeon neu sy’n dalentog yn y maes celfyddydau, dawns, cerddoriaeth, drama ac addysg. Nod y gronfa yw helpu iddynt gyflawni eu potensial drwy hyfforddiant a datblygu.
Gellir defnyddio’r arian ar gyfer amrywiaeth o gefnogaeth gan gynnwys prynu offer, hyfforddiant, teithio neu lety. Cynigir grantiau gwerth hyd at £800. Rhoddwyd arian o’r gronfa i 35 o bobl yn 2023/24.
Mae ceisiadau ar gyfer y rownd gyfredol o arian ar agor tan 16 Medi. Mae gwybodaeth am y Gronfa Ragoriaeth a manylion am sut i ymgeisio ar wefan Conwy:
https://www.conwy.gov.uk/cy/Resident/Leisure-sport-and-health/Leisure-Development/Conwy-Excellence-Fund.aspx
Wedi ei bostio ar 12/07/2024