Mae Gwasanaeth Ieuenctid Conwy yn sefydliad partner ar gyfer Senedd Ieuenctid nesaf Cymru

Mae Gwasanaeth Ieuenctid Conwy yn sefydliad partner ar gyfer Senedd Ieuenctid nesaf Cymru

Mae Gwasanaeth Ieuenctid Conwy yn falch o gael ei enwi fel un o’r 20 partner yng Nghymru ar gyfer trydedd Senedd Ieuenctid Cymru.  

Cyhoeddwyd y rhestr derfynol o 20 sefydliad partner yr wythnos ddiwethaf (14/08/2024), cyn trydydd tymor Senedd Ieuenctid Cymru.

Fel sefydliad partner a enwir, bydd Gwasanaeth Ieuenctid Conwy nawr yn cynnal etholiad i ddewis unigolyn rhwng 11-17 oed i gynrychioli safbwyntiau’r bobl ifanc dros y ddwy flynedd nesaf.

Meddai’r Cynghorydd Julie Fallon, Aelod Cabinet Addysg: “Rydym yn falch bod Gwasanaeth Ieuenctid Conwy wedi’i enwi fel sefydliad partner, gan sicrhau bod lleisiau nifer o bobl ifanc ledled Conwy yn cael eu clywed a’u cynrychioli yng ngwaith Senedd Ieuenctid Cymru ar lwyfan cenedlaethol. 

“Mae’n bwysig bod hawl pobl ifanc i gymryd rhan mewn penderfyniadau sy’n effeithio arnynt yn cael ei bodloni, gan sicrhau bod gwleidyddion yn sylweddoli pa mor bwysig yw lleisiau pobl ifanc a sut gall y lleisiau hyn ein helpu i siapio dyfodol gwell.” 

Roedd ceisiadau ar gyfer dod yn sefydliad partner yn cael eu dethol ar sail nifer o ffactorau a’u dewis i gynrychioli ystod o achosion a meysydd daearyddol.

Dolen i’r cyhoeddiad: Sefydliadau Partner yn cael eu cyhoeddi ar gyfer Senedd Ieuenctid nesaf Cymru (senedd.cymru)