Llwyddiant yn y Gwobrau Addysgu
Mae dau athro yn Sir Conwy wedi cyrraedd y brig yng Ngwobrau Addysgu Proffesiynol Cymru Llywodraeth Cymru.
Mae’r gwobrau yn cydnabod llwyddiannau athrawon ar draws Cymru.
Cynhaliwyd y seremoni wobrwyo ar 14 Gorffennaf.
Enillodd Dr Gareth Evans o Ysgol y Creuddyn wobr Athro’r Flwyddyn mewn Ysgol Uwchradd.
Enillodd Amy Grimwald sy’n addysgu yn Ysgol Aberconwy wobr Betty Campbell MBE am hyrwyddo cyfraniadau a safbwyntiau cymunedau Du, Asiaidd ac Ethnig Leiafrifol.
Meddai’r Cyng. Julie Fallon, Aelod Cabinet Addysg Cyngor Bwrdeistref Sirol Conwy: “Hoffaf longyfarch y ddau athro am gael eu cydnabod yng Ngwobrau Addysgu Proffesiynol Cymru Llywodraeth Cymru, a dw i’n hynod falch o’u llwyddiannau. Maen nhw’n ysbrydoliaeth i’w myfyrwyr, ac i’w cydweithwyr.”
I gael rhagor o wybodaeth am y gwobrau ewch i: Gwobrau 2024 | LLYW.CYMRU
Wedi ei bostio ar 18/07/2024