Mae Panel Heddlu a Throsedd Gogledd Cymru’n dymuno penodi pobl ymroddgar i wasanaethu fel aelodau cyfetholedig o 1 Tachwedd 2024 tan 31 Hydref 2028 er mwyn cefnogi a chraffu ar waith Comisiynydd Heddlu a Throsedd Gogledd Cymru.
Mae rôl Aelod o’r Panel yn un bwysig a heriol, a disgwylir i’r Aelodau gynnal safonau uchel o ran uniondeb personol bob amser a bod yn barchus tuag at eraill.
Gwahoddir ceisiadau gan bobl sydd â diddordeb ac sy’n deall pwysigrwydd gwasanaethau cyhoeddus a sut maent yn cael eu darparu, ac sydd â diddordeb mewn diogelwch cymunedol a materion yn ymwneud â phlismona a chyfiawnder troseddol. Mae Panel yr Heddlu a Throsedd yn dymuno adlewyrchu holl gymunedau gogledd Cymru, ac yn croesawu ceisiadau gan bob unigolyn cymwys ac o bob rhan o gymdeithas.
I wneud cais, bydd angen i chi allu dod i o leiaf 5 cyfarfod bob blwyddyn a gynhelir ar hyn o bryd ym Modlondeb, Conwy, yn ystod y diwrnod gwaith arferol. Caiff aelodau Panel yr Heddlu a Throsedd gydnabyddiaeth ariannol yn unol â threfniadau’r Panel Heddlu a Throsedd.
I gael rhagor o wybodaeth, ewch i wefan Panel Heddlu a Throsedd Gogledd Cymru, ac i gael ffurflen gais, cysylltwch â Phanel yr Heddlu a Throsedd ar 01492 576061 neu anfon e-bost at panel.heddlu@conwy.gov.uk.
Dyddiad Cau: 27 Medi 2024. Disgwylir i'r cyfweliadau gael eu cynnal ar 17 Hydref 2024 ym Modlondeb, Conwy.