Mae'n ofyniad cyfreithiol cofrestru unrhyw adeilad a ddefnyddir i weithredu busnes bwyd. Mae hyn yn cynnwys elusennau, stondinau marchnad, cerbydau danfon a busnesau bwyd symudol eraill.
Bydd angen i chi hefyd ystyried a oes angen cymeradwyo eich adeilad busnes er enghraifft os ydych yn gwneud, yn paratoi neu’n trin bwyd sy'n dod o anifeiliaid i'w gyflenwi i fusnesau eraill.
Sut i gofrestru
- Os ydych yn berchen ar fusnes bwyd yng Nghonwy, neu wedi cymryd drosodd busnes bwyd yng Nghonwy, mae'n ofyniad cyfreithiol i gofrestru eich busnes gyda ni o leiaf 28 diwrnod cyn agor neu gymryd perchnogaeth ohono. Gellir gwneud hyn drwy wneud cais ar-lein neu drwy'r post.
- Eich cyfrifoldeb chi yw rhoi gwybod i ni am unrhyw newidiadau i'r busnes, y gweithgareddau neu os yw'r busnes yn cau, o fewn 28 diwrnod i'r newid.
Ffioedd
Ni chodir ffi i gofrestru busnes bwyd.
Cyngor ac Arweiniad
- Cyn cofrestru eich busnes rydym yn argymell eich bod yn mynd ar wefan yr Asiantaeth Safonau Bwyd. Maent yn cynnig llawer iawn o wybodaeth i fusnesau bwyd o bob math.
- Bydd hefyd yn ofynnol i chi gael system rheoli diogelwch bwyd yn seiliedig ar egwyddorion HACCP yn eu lle.
- Gall ymweliad cyngor busnes newydd hefyd gael ei drefnu gyda Swyddog o'r tîm (cyn agor), er mwyn sicrhau bod y strwythur, y cynllun a systemau arfaethedig yn briodol ar gyfer y busnes.
Prosesu ac Amserlenni
- Unwaith y byddwch wedi cofrestru, byddwch yn derbyn cadarnhad mewn ysgrifen a bydd archwiliad yn cael ei wneud fel arfer o fewn 28 diwrnod. Yn seiliedig ar yr arolwg cychwynnol, byddwch yn cael sgôr hylendid bwyd yn seiliedig ar ganfyddiadau’r Swyddogion
- Bydd y manylion busnes hefyd yn cael eu cofnodi ar gofrestr gyhoeddus (enw a chyfeiriad busnes, math o fusnes)
Cysylltwch â ni
Os hoffech fwy o gyngor a help, cysylltwch â ni.
Tîm Diogelwch Bwyd,
Blwch Post 1,
Conwy,
LL30 9G
E-bost: foodsafety-healthandsafety@conwy.gov.uk