Gyrrwr Hurio Preifat - Caniatâd

Sut i wneud cais

Mae’n rhaid i ymgeisydd fod â thrwydded yrru llawn ers o leiaf 12 mis a rhaid bod ganddynt drwydded o’r fath pan fyddant yn cyflwyno eu cais. Yn ogystal, cyn y gall y Cyngor roi Trwydded, mae'n rhaid iddynt fod yn fodlon bod yr ymgeisydd yn berson addas a phriodol.

Mae’n rhaid cyflwyno’r ffurflen gais ar-lein, y dogfennau digidol ategol a thalu’r ffi er mwyn i’r cais gael ei dderbyn. Mae’n rhaid i’r ymgeisydd fynychu sesiwn ymwybyddiaeth Camfanteisio’n Rhywiol ar Blant a llwyddo yn y prawf gwybodaeth cyn i’r Drwydded gael ei chaniatáu.

Cyn gwneud cais, sicrhewch eich bod yn darllen yr wybodaeth isod a fydd yn cael ei hystyried gan yr Awdurdod Trwyddedu wrth benderfynu ar gais:

• Amodau Gyrrwr (PDF)
• Polisi'r Gwasanaeth Datgelu a Gwahardd ac Euogfarnau Troseddol (Microsoft Word)
• Canllawiau’r Sefydliad Trwyddedu i benderfynu ar addasrwydd ymgeiswyr a deiliaid trwydded yn y masnachau cerbydau hacni a hurio preifat (dolen gyswllt allanol, Saesneg yn unig) (PDF)
  
  

I gwblhau’r ffurflen gais ar-lein, bydd arnoch chi angen y dogfennau digidol canlynol:

• Trwydded Yrru Lawn y DVLA â cherdyn llun (a gynhelir am o leiaf 12 mis) yn rhoi manylion eich cyfeiriad post llawn cyfredol.
• Cod Gwirio’r DVLA - - https://www.gov.uk/view-driving-licence
• Tystysgrif Gwiriad GDG Pellach
• Ffurflen adroddiad meddygol a gwblhawyd gan nodi eich addasrwydd i yrru cerbyd trwyddedig.  Mae’n rhaid i'r adroddiad gael stamp Meddyg wedi’i ardystio arno
  
  Tystysgrif Feddygol (Microsoft Word, 45KB)
  
  
• Pasbort gwreiddiol yr UE* tystiolaeth bod gennych hawl i weithio / byw yn yr UE / y DU am gyfnod amhenodol.
• Llun maint/math pasbort (i’w roi ar eich bathodyn)
• Cod Treth 9 Llythyren  / Cwblhau gwiriad treth ar gyfer trwydded tacsi, hurio preifat neu fetel sgrap - GOV.UK (www.gov.uk)

Camfanteisio'n Rhywiol ar Blant a Phrawf Gwybodaeth

I archebu lle i wneud y prawf a thalu’r ffi ofynnol, defnyddiwch y ddolen isod:

• Prawf Gyrrwr Hurio Preifat (1 Awr)
• Papur Enghreifftiol (Word)
• Prawf Gyrwyr Cerbydau Hacni a Cherbydau Hurio Preifat - Hyfforddiant Ymwybyddiaeth Cam-fanteisio’n Rhywiol ar Blant (PDF)
• Mynychu’r Sesiwn Ymwybyddiaeth Camfanteisio’n Rhywiol ar Blant (30 munud)

Dyddiadau 2024

Dyddiadau 2025

Ffïoedd o 11 Medi 2024

Yr hawl i weithio yn y Deyrnas Unedig

Mae’n ddyletswydd ar yr Awdurdod Trwyddedu i sicrhau bod gennych chi hawl i weithio yn y Deyrnas Unedig. Mae’n bosibl y bydd methu â darparu’r wybodaeth y gofynnir amdani yn Atodiad A yn golygu y bydd eich cais yn cael ei wrthod.

• Atodiad A (PDF)
• Canllawiau Ad-daliadau Ffïoedd (PDF)
  
  

Collfarnau Troseddol a’r Gwasanaeth Datgelu a Gwahardd

Mae’n rhaid bod gennych chi gymeriad da.  I sefydlu hyn, bydd gofyn i chi ymgymryd â gwiriad hanes troseddol ‘manwl’ gan y Gwasanaeth Datgelu a Gwahardd (GDG).

Polisi Cyngor Bwrdeistref Sirol Conwy ar gollfarnau troseddol (PDF)

Mae gan y Gwasanaeth Datgelu a Gwahardd (GDG) wasanaeth tanysgrifio ar-lein sy’n caniatáu i ymgeiswyr ddiweddaru eu tystysgrifau GDG.

Cofrestru ar gyfer y gwasanaeth diweddaru Gallwch gofrestru ar gyfer y gwasanaeth diweddaru naill ai pan fyddwch yn ymgeisio am eich gwiriad GDG neu drwy ddefnyddio eich rhif tystysgrif GDG wreiddiol pan gaiff ei chyflwyno (mae’n rhaid i chi wneud hyn o fewn 30 diwrnod i ddyddiad cyflwyno eich tystysgrif GDG).

Mae gan y Cyngor yr hawl i ganiatáu neu wrthod y drwydded.Efallai y bydd rhai ceisiadau yn cael eu cyfeirio at Bwyllgor Trwyddedu a Rheoleiddio Cyffredinol y Cyngor er mwyn gwneud penderfyniad.

Bydd yr ymgeiswyr yn cael eu hysbysu o benderfyniad eu cais yn ysgrifenedig, o fewn 14 diwrnod o wneud y penderfyniad.

Deddfwriaeth ac Amodau

• Deddf Traffig Ffyrdd 1972
• Deddf Traffig Ffyrdd 1991
  
  

Prosesu ac Amserlenni

Pan fydd yr holl waith papur wedi’i dderbyn gan yr ymgeisydd a’r asiantaethau allanol, a’r unigolyn wedi mynychu’r sesiwn ymwybyddiaeth Camfanteisio’n Rhywiol ar Blant a llwyddo yn y Prawf Gwybodaeth Hurio Preifat, gall y drwydded gymryd hyd at 28 diwrnod i’w chynhyrchu.

Dulliau Apelio / Unioni:

Byddai'r ymgeisydd yn gallu apelio unrhyw benderfyniad trwy gyfrwng cwyn i'r Llys Ynadon o fewn 21 diwrnod o gael gwybod am benderfyniad y Cyngor.

Cysylltu â ni

• Dros y ffôn: 01492 576626
  Dydd Llun i Ddydd Gwener 10.00am i 12:30pm
• Drwy e-bost:  trwyddedu@conwy.gov.uk