Neges gan y Prif Weithredwr, Cyngor Bwrdeistref Sirol Conwy
Mae’r Cyngor nawr wedi meddiannu ein swyddfeydd yng Nghoed Pella ac mae staff wedi dechrau symud i mewn.
Bydd Coed Pella yn ein galluogi i ddarparu’r gefnogaeth orau posibl i’n trigolion a busnesau felly mae’n bosibl y byddwch yn sylwi ar ein timau yn symud i mewn wrth i ni ddod â gwasanaethau allweddol ynghyd. Er y bydd Coed Pella yn agor i’r cyhoedd yn fuan, bydd gwasanaethau’r Cyngor yn symud i mewn dros gyfnod o ychydig wythnosau.
Yn ystod yr amser hwn, bydd gwasanaethau’r Cyngor yn parhau i fod ar gael ac yn gweithredu fel arfer. Os bydd gennych gyfarfod yn fuan neu angen cysylltu ag un o’r gwasanaethau, byddem yn eich cynghori i gysylltu ymlaen llaw i weld lle byddant wedi eu lleoli.
Hoffwn ddiolch i chi am fod yn amyneddgar yn ystod y gwaith adeiladu – mae yna waith ailwynebu i’w wneud ar Conway Road ac yna bydd y gwaith allanol wedi’i gwblhau.
Rydym yn dymuno bod yn gymydog da ac yn rhan o gymuned Bae Colwyn, felly os oes gennych unrhyw ymholiadau, cwestiynau neu fater yr hoffech ei godi gyda ni, gallwch ffonio 01492 574000 neu anfon e-bost i gwybodaeth@conwy.gov.uk.
Diolch eto am eich amynedd yn ystod y cyfnod hwn ac edrychwn ymlaen at eich croesawu i Goed Pella.
Iwan Davies
Prif Weithredwr,
Cyngor Bwrdeistref Sirol Conwy