Bydd ein sianeli cyfryngau cymdeithasol yn cynnwys amrywiaeth o wybodaeth gan ein gwasanaethau a’n partneriaid, ac yn rhannu’r wybodaeth ddiweddaraf gyda chi am beth sy’n digwydd ar draws y sir.
Rydym yn hapus i helpu ym mha bynnag ffordd y gallwn, ond rydym yn disgwyl i ddefnyddwyr ymdrin â ni gyda’r un lefel o gwrteisi. Mae arnom ni eisiau i’n sianeli cyfryngau cymdeithasol gynnig mannau diogel ar gyfer trafodaethau iach, agored a diddorol, ac oherwydd hynny, mae gennym gyfres fer o reolau:
- Dylid ymdrin ag eraill mewn modd cyfeillgar ac mewn modd yr hoffech chi i bobl ymdrin â chi. Byddwch yn gwrtais, hyd yn oed os ydych chi’n anghytuno.
- Parchwch safonau cymunedol bob platfform cyfryngau cymdeithasol.
- Chi sy’n gyfrifol am unrhyw gynnwys rydych yn ei rannu gan gynnwys unrhyw gynnwys rydych yn dewis ei rannu.
- Os oes arnoch chi angen anfon gwybodaeth bersonol, cysylltwch â ni dros e-bost neu drwy neges breifat.
Byddwn yn dileu neu’n cuddio unrhyw sylwadau sydd, yn ein barn ni, yn:
- ymosodol neu’n anweddus
- anaddas neu’n gwahaniaethu yn erbyn unigolion neu grwpiau
- dwyllodrus neu gamarweiniol
- mynd yn erbyn Hawliau Eiddo Deallusol, gan gynnwys hawlfraint
- mynd yn groes i unrhyw gyfraith neu reoliad
- sbam neu’n amherthnasol (negeseuon negyddol neu ymosodol parhaus sy’n anelu at ysgogi ymateb)
- ddeunydd hyrwyddol, gan gynnwys dolenni i wefannau a hysbysiadau allanol
Ni fyddwn yn goddef nac yn ymateb i negeseuon ymosodol.
Byddwn yn blocio unrhyw un sy’n ymgysylltu â ni’n defnyddio cynnwys neu iaith sy’n dod o dan unrhyw un o’r categorïau hyn ac yn rhoi gwybod i’r platfform cyfryngau cymdeithasol.
Mae’n rhaid i ni fod yn wleidyddol niwtral bob amser ar y cyfryngau cymdeithasol. Nid yw swyddogion y Cyngor yn gallu ymateb i, cymeradwyo neu ymgysylltu ag unrhyw ddeunydd sy’n wleidyddol bleidiol ei natur. Os hoffech chi drafod materion gwleidyddol, cysylltwch â’ch cynghorydd lleol.
Mae Conwy wedi ymrwymo i ddiogelu plant a grwpiau diamddiffyn.
Conwy County Borough Council social media accounts:
Facebook , X (Twitter) , Instagram , LinkedIn