Taliadau Tai Dewisol

Beth yw Taliad Tai Dewisol?

Mae Taliadau Tai Dewisol (DHP) yn rhoi cefnogaeth ariannol bellach i gwsmeriaid sy’n derbyn Budd-dal Tai neu Gredyd Cynhwysol gyda Chostau Tai os ydynt mewn angen eithriadol gyda'u costau tai.  Mae'n ychwanegol at unrhyw Fudd-dal Lles arall.

Yn gyffredinol, mae costau tai yn golygu atebolrwydd rhent, ond mae costau tai yn cael eu dehongli yn ehangach i gynnwys -

• Rhent ymlaen llaw
• Blaendal rhent a
• Chostau lwmp swm eraill sy’n gysylltiedig ag anghenion tai fel costau symud neu wiriadau credyd ar gyfer asiantau gosod.

Mae Llywodraeth y D.U. yn rhoi cyllideb gyfyngedig i bob Awdurdod Lleol bob blwyddyn ariannol i helpu'r rheini sydd â'r angen mwyaf, felly mae angen ffurflen gais wedi'i chwblhau er mwyn penderfynu os gellir rhoi Taliad Tai Dewisol.

A allaf hawlio Taliad Tai Dewisol?

Gellir rhoi DHP dim ond os yw ymgeisydd yn derbyn/â hawl i - 

• Budd-dal Tai neu
• Credyd Cynhwysol sy'n cynnwys elfen tai tuag at rent ac
• mae angen cymorth ariannol pellach ar yr ymgeisydd ar gyfer costau tai ac mae’n byw o fewn Bwrdeistref Conwy.    

Sut ydw i’n hawlio Taliad Tai Dewisol?

Mae’n rhaid i gais am Daliad Tai Dewisol gael ei wneud ar ffurflen gais a roddwyd  gan Gyngor Bwrdeistref Sirol Conwy.

Yn syml, lawrlwythwch y ffurflen (PDF, 306Kb), ei hargraffu gartref neu yn un o'n llyfrgelloedd.

Ar ôl llenwi’r ffurflen, dylid ei dychwelyd i’r:

Os ydych angen ffurflen bapur, neu unrhyw gymorth gyda llenwi’r ffurflen; neu os oes gennych unrhyw gwestiynau eraill, gallwch gysylltu gydag aelod o’r tîm neu ymweld ag unrhyw un o’n swyddfeydd yn Sir Conwy.

Ddogfen Bolisi Budd-daliadau (PDF)