Sut i ddod yn Warchodwr Plant Cofrestredig neu Nani

Gwarchodwyr Plant

Mae gwarchodwyr plant yn ddarparu gofal a chyfleoedd dysgu i blant dan 12 oed yng nghartref y gwarchodwr.

Rhaid i warchodwyr plant fod wedi cofrestru ag Arolygiaeth Gofal Cymru (AGC) i sicrhau eu bod yn gallu darparu amgylchedd diogel, symbylol i’r plant sydd yn eu gofal.  Rhaid iddynt gadw at y Safonau Gofynnol Cenedlaethol ac maent yn cael eu harchwilio’n rheolaidd.

Mae gwarchodwyr plant yn hunangyflogedig a rhaid iddynt weithio o fewn y cymarebau a osodir yn y Safonau Gofynnol Cenedlaethol i Warchodwyr Plant yng Nghymru (mae hyn yn cynnwys plant y gwarchodwyr eu hunain). Gall gwarchodwyr plant weithio gyda’i gilydd a gallant gyflogi cynorthwyydd.

I wybod mwy am ddod yn warchodwr plant, cysylltwch â’r Gwasanaeth Gwybodaeth i Deuluoedd ar 01492 577850 neu anfon e-bost at plant.children@conwy.gov.uk.

• Gweld pa gymwysterau sydd arnoch eu hangen i ddod yn warchodwr plant ar wefan Gofal Cymdeithasol Cymru.
• Mynychu sesiwn wybodaeth gwarchod plant gan PACEY (Cymdeithas Broffesiynol ar gyfer Gofal Plant a’r Blynyddoedd Cynnar) 
• Gweld Gwybodaeth am hyfforddi a chofrestru fel Gwarchodwr Plant ar wefan PACEY.
• Mae Cyngor Conwy yn darparu hyfforddiant Cymorth Cyntaf Paediatreg a Diogelu, cysylltwch gyda ni am fwy o wybodaeth. 
• Gweler y Safonau Gofynnol Cenedlaethol ar gyfer gofal plant wedi’i reoleiddio 

Nanis

Cyflogir nani gan deulu i ofalu am blentyn neu blant o hyd at ddau deulu yng nghartref y teulu ac nid oes angen iddynt gofrestru. 

Fodd bynnag, gallai cofrestru â Chynllun Cymeradwyo Darparwyr Gofal Plant yn y Cartref gan Arolygiaeth Gofal Cymru ganiatáu i’r rhieni gymryd mantais o gymorth Llywodraeth y DU â chostau gofal plant.  I gofrestru, rhaid iddynt wneud hyfforddiant gofal plant.

• Gweld pa gymwysterau sydd arnoch eu hangen i ddod yn nani ar wefan Gofal Cymdeithasol Cymru.
• Gwybodaeth am hyfforddi a chofrestru fel nani ar wefan PACEY.