Beth allaf ei wneud i sicrhau bod fy mhlentyn yn mynychu’r ysgol?
- Gwnewch yn siŵr eich bod yn ymwybodol o bolisi presenoldeb yr ysgol, mae gan bob ysgol un.
- Gwnewch yn siŵr bod eich plentyn yn cyrraedd ar amser i ddechrau’r sesiynau yn y bore a’r prynhawn.
- Os ydych chi’n amau efallai bod eich plentyn yn methu’r ysgol, neu’n anhapus yn yr ysgol, cysylltwch â’r ysgol yn y lle cyntaf neu, os ydych chi’n teimlo bod angen cymorth ychwanegol arnoch, cysylltwch â’r Gwasanaeth Gweithwyr Cymdeithasol Addysg cyn gynted â phosibl. Gallant eich helpu i ddatrys unrhyw anawsterau a chynnig cyngor cyfeillgar.
- Os yw eich plentyn yn methu’r ysgol, cysylltwch â’r ysgol. Bydd staff yr ysgol yn gweithio gyda chi i helpu i wella’r sefyllfa. Mae’n well cysylltu â’r ysgol yn gyntaf fel y gallant wneud yn siŵr bod camau yn cael eu cymryd i’ch helpu chi.
- Os yw eich plentyn i ffwrdd am resymau eraill, er enghraifft, ar gyfer apwyntiad meddyg neu ddeintydd, rhowch wybod i’r ysgol ymlaen llaw.
- Gwnewch yn siŵr bod eich plentyn yn gwybod nad ydych chi’n hapus iddynt fethu’r ysgol am ba bynnag reswm, ond byddwch yn wyliadwrus o unrhyw resymau penodol dros beidio â mynychu’r ysgol, fel bwlio neu anawsterau gyda gwaith ysgol.
- Cymrwch ddiddordeb yn addysg eich plentyn, gofynnwch iddynt beth wnaethant yn yr ysgol a cheisiwch ganfod a ydynt yn cael trafferth mewn unrhyw ffordd a cheisiwch gynnig eich cefnogaeth. Os nad ydych chi’n gallu eu helpu, siaradwch â’r ysgol a rhowch wybod iddynt am unrhyw anawsterau.
Os ydych chi’n dal i gael trafferth anfon eich plentyn i’r ysgol
Peidiwch â phoeni. Gallwch ein ffonio ni a byddwn yn hapus i’ch helpu ym mha bynnag ffordd y gallwn. Gallwch ffonio 01492 575031 yn ystod oriau swyddfa arferol a gofyn am gael siarad gyda’r Gwasanaeth Gweithwyr Cymdeithasol Addysg.
Byddwn yn gweithio gyda chi a’r ysgol i wneud yn siŵr bod eich plentyn yn cael cefnogaeth neu’n mynd i’r afael ar unrhyw faterion a allai fod yn eu hatal rhag mynd i’r ysgol.
Os ydych chi’n poeni neu’n teimlo fod yno broblem gyda phresenoldeb eich plentyn, mae bob amser yn well i chi siarad â’u hysgol yn gyntaf. Gofynnwch i gael siarad gyda’r unigolyn sy’n gyfrifol am Bresenoldeb Ysgol, neu’r Pennaeth.
Mae’r Gwasanaeth Gweithwyr Cymdeithasol Addysg yn cynnig cyngor a chymorth ar ystod eang o faterion nad ydynt yn ymwneud â phresenoldeb ysgol a byddant yn llunio cynllun i helpu i sicrhau bod eich plentyn yn mynychu’r ysgol yn rheolaidd.
Cysylltwch â ni am fanylion pellach ar 01492 575031.