Pe bai gennych unrhyw bryderon am iechyd a diogelwch mewn eiddo penodol, neu os ydych yn bryderus am amodau neu arferion gwaith, e-bostiwch diogelwchbwyd-iechydadiogelwch@conwy.gov.uk.
Mae yna amrywiaeth eang o gwynion y bydd y cyngor yn eu hymchwilio, fodd bynnag os oes gennych unrhyw bryderon am arferion iechyd a diogelwch mewn eiddo penodol, neu os ydych yn cael cyfarwyddyd i wneud rhywbeth yr ydych yn teimlo y gallai beryglu eich iechyd a'ch diogelwch chi, yna cysylltwch â ni.
Bydd dull a dyfnder yr ymchwiliad yn amrywio yn dibynnu ar amgylchiadau pob cwyn. Os credir y gallai’r amgylchiadau beri risg arwyddocaol i iechyd a diogelwch gweithwyr neu’r cyhoedd, neu os bydd achwynwyr yn diwallu nodau strategol a/neu leol, efallai y bydd ymweliad ac ymchwiliad yn briodol. Dan amgylchiadau eraill efallai mai ymchwiliad drwy ohebiaeth neu ymholiadau ffôn ar y cyd â chadarnhad ysgrifenedig fydd yn digwydd.
Byddwn bob amser yn ceisio cadw eich manylion yn gyfrinachol, fodd bynnag efallai weithiau y bydd yn angenrheidiol eu datgelu ac os felly fe wnawn ofyn i chi yn gyntaf. Weithiau efallai y bydd yr unigolyn dan sylw yn dyfalu pwy wnaeth y gŵyn.
Yr hyn y dylech ei wneud yn gyntaf yw trafod y mater gyda’ch cyflogwr.