Waw! Am hanes sydd i'r ardal hon.... Mae’r tirlun yn gyfoethog o ran olion hanesyddol, o fwyngloddiau copr yr Oes Efydd i'r Ysgol Fomio o’r Ail Ryfel Byd, dewch i archwilio.... Mae dwy daith yn cychwyn o gopa’r Gogarth (yn union wrth y maes parcio) a gellir eu cyfuno i wneud taith hirach. Cofiwch gadw llygad am y golygfeydd godidog o Fae Lerpwl, mynyddoedd y Carneddau, y Fenai ac Ynys Môn.
Pa fath o daith gerdded yw hon?
- Tir: Llwybrau gwelltog, traciau a ffyrdd. Mae’r llwybrau’n serth mewn mannau, felly rydym yn argymell esgidiau a bŵts cerdded da
- Pellter: Mae Llwybr A yn 4.2 milltir/6.7 km; Mae Llwybr B yn 3.2 milltir/5.2 km. Caniatewch 2½ awr ar gyfer Llwybr A, a thua 2 awr ar gyfer Llwybr B
- Cŵn: Dylid cadw cŵn dan reolaeth neu ar dennyn; mae defaid a geifr yn pori’n rhydd ar y pentir
- Lluniaeth: Ar gael yng Nghanolfan y Copa, sydd ar agor bob dydd rhwng y Pasg a diwedd mis Tachwedd, ar benwythnosau’n unig tu allan i’r tymor gwyliau. Mae’r Caffi Gorffwys a Diolch (ar agor trwy’r flwyddyn ag eithrio ambell ddyddiad) ar ben pellaf y pentir, ar Gylchdro’r Gogarth
- Graddfa’r daith gerdded: hawdd / cymedrol Cyfeirnod
- Map: Os hoffech chi brynu map sy’n dangos y llwybr hwn, y mapiau y byddwch eu hangen yw’r Explorer OL17. Gallwch fynd draw i wefan Arolwg Ordnans i gael rhagor o wybodaeth neu i brynu eich map, neu mae’r mapiau hyn ar gael i’w prynu mewn nifer o siopau ar y stryd fawr. Gallwch lawrlwytho cerdyn y llwybr ar gyfer y daith hon isod, ond rydyn ni wastad yn argymell mynd â map OS yn ychwanegol at unrhyw daflen.
Sut ydw i’n cyrraedd yno?
- Gyda thrên: Mae yna orsaf yn Llandudno. Rhif Ffôn: 0845 7484950. www.nationalrail.co.uk
- Gyda bws: Rhif Ffôn: Traveline Cymru 0871 200 22 33. www.travelinecymru.info
- Gyda Char: Dilynwch yr A55/A470 i Landudno, yna dilynwch yr arwyddion am Barc Gwledig y Gogarth. Mae maes parcio talu ac arddangos ar y copa
- Gyda thram: Mae Tramffordd Fictoraidd y Gogarth yn mynd yn ddyddiol rhwng y Pasg a diwedd Hydref. Ffoniwch 01492 879306
Byddwch yn barod!
- Wrth gerdded ar hyd ffyrdd, cerddwch ar yr ochr dde mewn llinell sengl
- Gall y pentir prydferth hwn fod yn agored iawn, a gall y tywydd wrth y copa fod yn wahanol iawn i’r amodau ar lefel y môr. Mae esgidiau a dillad addas yn hanfodol ar gyfer cerdded drwy gydol y flwyddyn
- Gwiriwch ragolygon y tywydd
- Y Côd Cefn Gwlad
Mapiau