Lleoliad: Pwll Padlo Penmaenmawr, Ffordd y Traeth, Penmaenmawr LL34 6AZ.
Yng nghanol ardal syfrdanol o hardd ar arfordir gogledd Cymru, dafliad carreg o’r A55. Gyda golygfeydd godidog o Ynys Môn ac Ynys Seiriol, mae pwll padlo Penmaenmawr yn lleoliad poblogaidd iawn i ymwelwyr a’r bobl leol fel ei gilydd. Mae’r pwll padlo traddodiadol ar siâp diemwnt ac mae’n mesur 11m x 8m. Mae’n 1 droedfedd / 0.3 metr o ddyfnder ar ei bwynt dyfnaf, ac mae hefyd yn cynnwys rhaeadr.
Gallwch fynd at y pwll padlo ar droed o’r briffordd drwy fynd ar hyd tanffordd, neu os ydych chi’n gyrru, mae yna rywfaint o fannau parcio ar un pen i’r promenâd.
Mae’r ‘Caffi Glan Môr' wedi’i leoli 50 llath yn unig o’r pwll padlo, ac mae ar agor 7 diwrnod yr wythnos o fis Mawrth i fis Tachwedd, gan gynnig amrywiol fwydlenni megis brecwast trwy’r dydd, dewisiadau heb glwten, gamwn, a sgampi, i enwi ychydig yn unig. Mae'n cynnig amrywiaeth o ddiodydd poeth ac oer y gallwch eu hyfed yn y caffi neu’r tu allan yn yr haul. Ar y diwrnodau heulog, poeth hynny gallwch brynu hufen iâ, lolis iâ a llawer mwy. Gallwch hefyd logi’r cabanau gwyliau gerllaw am y dydd – ewch draw i siarad â pherchnogion y caffi am ragor o wybodaeth. Mae parc i blant gerllaw sy’n cynnwys nifer o wahanol offer chwarae. Er diogelwch ychwanegol, mae ffens derfyn o amgylch y parc.
O ganlyniad i waith cynnal a chadw dyddiol bydd y pwll nofio ar agor o 10am tan 7pm.
Ar gyfer ymholiadau cyffredinol/sylwadau am byllau padlo, anfonwch e-bost at hamdden.leisure@conwy.gov.uk neu ffoniwch 0300 4569 525.
Rheolau pyllau padlo plant
- Nid yw’r cyfleuster hwn yn cael ei oruchwylio’n swyddogol
- Rhaid i blant ifanc gael eu goruchwylio gan oedolyn
- Dim rhedeg yn y pwll nac o’i amgylch
- Dim deifio
- Dim bwyd na diod yn y dŵr
- Dim gwydr o amgylch y pwll
- Peidiwch â gadael ysbwriel yma
- Dim cŵn o gwbl yn yr ardal yma
- Gwisgwch esgidiau pwll nofio/glan môr priodol
Cwestiynau cyffredin
Pa fisoedd mae'r pyllau padlo ar agor?
Anelwn agor y pyllau padlo erbyn canol mis Mai a chau ganol mis Medi.
Pa mor fawr yw pyllau padlo Conwy?
Dimensiynau pwll padlo
| Pwll padlo | Dimensiynau | Cyfaint dŵr |
|---|
| Craig y Don |
116m x 21m x 0.66m |
1608 metrau ciwbig / 12,060 galwyn |
| Llanfairfechan |
17m x 6m x 0.8m |
82 metrau ciwbig / 615 galwyn |
| Penmaenmawr |
11m x 8m x 0.33m |
29 metrau ciwbig / 217 galwyn |
| Llandrillo-yn-Rhos |
17m x 8m x 0.5m |
68 metrau ciwbig / 510 galwyn |
Pa mor aml mae’ch staff yn mynd i’r pyllau padlo?
Bydd aelod o’r tîm yn ymweld â phob pwll nofio pob dydd.
Sut ydych chi’n glanhau’r pyllau?
Mae’r tasgau dyddiol yn cynnwys:
- adlifo - gwrthdroi llif y dŵr i fflysio unrhyw halogydd o’r hidlydd
- gwneud yn siŵr bod lefel y dŵr ar yr uchder iawn
- ychwanegu a gwirio lefel y diheintydd cemegol
- glanhau’r pwll a’r ardal ger y pwll
Sut a pha mor aml ydych chi’n profi’r dŵr?
Rydym ni’n cymryd darlleniadau clorin a pH ddwywaith y dydd. Mae cwmni annibynnol yn cynnal profion microbiolegol bob mis.
Pam bod y pyllau nofio yn agor am 10am?
Mae hyn yn rhoi amser i’n tîm wneud y tasgau dyddiol (uchod).
Ydi’r pyllau yn cael eu draenio a’u hail-lenwi dros yr haf?
Anaml iawn y mae’n rhaid gwagio ac ail-lenwi pyllau padlo Craig y Don, Penmaenmawr a Llandrillo-yn-Rhos. Oherwydd cylchrediad cyfyngol, caiff pwll padlo Llanfairfechan ei wagio a’i ail-lenwi’n amlach.