Lleoliad: Pwll Padlo Llandrillo-yn-Rhos, Ffordd yr Abaty, Llandrillo-yn-Rhos, Bae Colwyn LL28 4NG.
Mae’r pwll padlo wedi’i leoli mewn man chwarae poblogaidd sy’n cynnwys sleidiau, siglenni, weiren wib ac offer chwarae eraill, yn ogystal â man gwelltog o faint da. Mae’r safle hefyd yn elwa o gael nifer o fyrddau picnic ac mae ffens derfyn ddiogel o’i amgylch. Er hwylustod, mae toiledau wedi’u lleoli o fewn tir y cyfleuster.
Mae lluniaeth ar gael o fewn tafliad carreg yn yr amrywiol gaffis, siopau hufen iâ a siopau eraill sydd wedi'u lleoli o fewn y gyrchfan hynod boblogaidd hon. Mae yna safleoedd cludiant cyhoeddus ardderchog yn y dref sy’n ei gwneud yn hawdd i chi gyrraedd y pwll padlo.
I’r rhai hynny ohonoch chi sy’n teithio mewn car, mae yna Faes Parcio Talu ac Arddangos gerllaw ar gornel Ffordd yr Abaty a Colwyn Avenue.
O ganlyniad i waith cynnal a chadw dyddiol bydd y pwll nofio ar agor rhwng 10am a 7pm.
Os oes gennych chi ymholiadau cyffredinol/sylwadau am byllau padlo, anfonwch neges e-bost at hamdden.leisure@conwy.gov.uk neu ffoniwch 0300 4569 525.
Rheolau pyllau padlo plant
- Nid yw’r cyfleuster hwn yn cael ei oruchwylio’n swyddogol
- Rhaid i blant ifanc gael eu goruchwylio gan oedolyn
- Dim rhedeg yn y pwll nac o’i amgylch
- Dim deifio
- Dim bwyd na diod yn y dŵr
- Dim gwydr o amgylch y pwll
- Peidiwch â gadael ysbwriel yma
- Dim cŵn o gwbl yn yr ardal yma
- Gwisgwch esgidiau pwll nofio/glan môr priodol
Cwestiynau cyffredin
Pa fisoedd mae'r pyllau padlo ar agor?
Anelwn agor y pyllau padlo erbyn canol mis Mai a chau ganol mis Medi.
Pa mor fawr ydi pyllau padlo Conwy?
Meintiau'r pyllau padlo
| Pwll padlo | Mesuriadau | Faint o ddŵr mae'n ei ddal |
|---|
| Craig y Don |
116m x 21m x 0.66m |
1608 metr ciwbig / 12,060 galwyn |
| Llanfairfechan |
17m x 6m x 0.8m |
82 metr ciwbig / 615 galwyn |
| Penmaenmawr |
11m x 8m x 0.33m |
29 metr ciwbig / 217 galwyn |
| Llandrillo-yn-Rhos |
17m x 8m x 0.5m |
68 metr ciwbig / 510 galwyn |
Pa mor aml mae’ch staff yn ymweld â'r pyllau padlo?
Bydd aelod o’r tîm yn ymweld â phob pwll padlo bob dydd.
Sut ydych chi’n glanhau’r pyllau?
Mae’r tasgau dyddiol yn cynnwys:
- adlifo - dyma'r broses o wrthdroi llif y dŵr i fflysio unrhyw halogyddion o’r hidlydd
- gwneud yn siŵr bod lefel y dŵr yn iawn
- gwirio ac ychwanegu at lefel y diheintydd cemegol
- glanhau’r pwll a’r ardal ger y pwll
Sut a pha mor aml ydych chi’n profi’r dŵr?
Rydym ni’n cymryd darlleniadau clorin a pH ddwywaith y dydd. Mae cwmni annibynnol yn cynnal profion microbiolegol bob mis.
Pam fod y pyllau nofio yn agor am 10am?
Mae hyn yn rhoi amser i’n tîm wneud y tasgau dyddiol (uchod).
Ydi’r pyllau'n cael eu gwagio a’u hail-lenwi dros yr haf?
Anaml iawn y mae’n rhaid gwagio ac ail-lenwi pyllau padlo Craig y Don, Penmaenmawr a Llandrillo-yn-Rhos. Oherwydd cylchrediad cyfyngedig, caiff pwll padlo Llanfairfechan ei wagio a’i ail-lenwi’n amlach.