Diolch am archebu sesiwn yn un o’n Hystafelloedd Ffitrwydd.
Darllenwch yr wybodaeth ganlynol cyn eich ymweliad:
- Bydd sesiynau campfa yn cael eu cyfyngu i 60 munud yn unig. Rydych wedi archebu sesiwn sydd ag amser cychwyn a gorffen penodol. Gwnewch yn siŵr eich bod yn cyrraedd eich sesiwn ar amser. Ni fyddwn yn caniatáu i aelodau ddod i sesiynau’n gynnar a bydd yr amser gorffen yn aros yr un fath os bydd aelod yn cyrraedd yn hwyr.
- Ni fydd ystafelloedd newid ar gael. Bydd toiledau ar gael.
- Dewch â photel ddŵr lawn gyda chi gan na fydd y ffynhonnau dŵr ar gael.
- Peidiwch â chario pethau diangen gan na fydd lle i storio bagiau nac allweddi.
- Os ydych chi wedi archebu’r Gampfa Perfformiad yng Nghanolfan Ddigwyddiadau Eirias, nodwch mai dim ond y rac yr ydych wedi ei archebu y cewch ei ddefnyddio. Cewch ddod â phwysau i’w defnyddio yn eich rac, ond ni chewch ddefnyddio’r offer arall.
Polisi Mynediad
- Arhoswch gartref os ydych chi, neu rywun ar eich aelwyd:
- yn dioddef o dymheredd uchel (38 Gradd Celsius neu uwch).
- yn pesychu’n barhaus neu’n fyr o wynt
- wedi colli’r gallu i arogli neu flasu
Mae’n hanfodol fod pob aelod:
- yn cadw pellter cymdeithasol
- yn dod wedi gwisgo’n addas ar gyfer y gweithgaredd
- yn defnyddio diheintydd dwylo’n rheolaidd
- yn glanhau offer cyn ac ar ôl eu defnyddio
- yn mynd adref i gael cawod
- yn dilyn arwyddion a chanllawiau gan staff.
Rydym wir yn gwerthfawrogi eich cydweithrediad ac yn edrych ymlaen at gael eich croesawu!
Tîm Ffit Conwy