Defnyddio Wi-Fi mewn llyfrgelloedd
Mae ein llyfrgelloedd yn cynnig Wi-Fi digyfyngiad am ddim. Dewch o hyd i’ch llyfrgell leol.
Er mwyn defnyddio’r Wi-Fi, bydd angen i chi:
- Gysylltu â’r rhwydwaith di-wifr o’r enw AmDdim_Conwy_Free
- Dylech weld tudalen groeso gyda’r dewis i fewngofnodi â Facebook neu Gofrestru
- Unwaith yn unig y bydd angen i chi gofrestru, drwy roi cyfeiriad e-bost
- Os na ddaw'r dudalen groeso i'r golwg yn awtomatig, agorwch borwr we (fel Safari, Firefox, Chrome, Opera neu Internet Explorer) ac ewch i unrhyw dudalen we
Defnyddio cyfrifiaduron mewn llyfrgelloedd
Mae cyfrifiaduron Windows ar gael i'w defnyddio am ddim ar gyfer pori'r we a defnyddio meddalwedd fel Microsoft Office. Gallwch hefyd ddefnyddio meddalwedd gynorthwyol fel Boardmaker ar nifer gyfyngedig o gyfrifiaduron.
Mae angen bod yn aelod o'r llyfrgell er mwyn defnyddio cyfrifiaduron y llyfrgell.
Mae gan y rhan fwyaf o lyfrgelloedd gyfrifiaduron sydd ar gael heb archebu, ond mae modd cadw cyfrifiadur ymlaen llaw drwy gysylltu â’r llyfrgell.
Argraffu, llungopïo, sganio
Gallwch argraffu a sganio gan ddefnyddio cyfrifiaduron y llyfrgell. Mae gwasanaethau llungopïo ar gael yn ein llyfrgelloedd mwy.
Gallwch argraffu o’r rhyngrwyd neu ddod â chof bach gyda ffeiliau arno i’w roi yn un o gyfrifiaduron y llyfrgell, neu lungopïwr.
Ffioedd argraffu a llungopïo.
Hidlo ar gyfrifiaduron a Wi-Fi cyhoeddus
Mae rhywfaint o hidlo ar gyfrifiaduron a Wi-Fi’r llyfrgell. Yn unol â’n Polisi Defnydd Derbyniol, nid ydym ond yn rhwystro mynediad at wefannau neu dudalennau gwe os ydynt yn:
- cyhoeddi deunydd anghyfreithlon
- cyhoeddi deunydd o natur hiliol neu homoffobig
- cyhoeddi deunydd rydym yn ei gyfrif yn bornograffig neu’n or-dreisgar
Rydym yn cadw’r hawl i rwystro unrhyw wefan y dymunwn ei rhwystro.
Mae ein cysylltiad we yn cael ei hidlo’n allanol; er hynny, gallwn ofyn i wefan neu dudalen gael ei dadflocio pan fyddwch yn ceisio mynd ati ar un o gyfrifiaduron y llyfrgell.
Os ydych yn credu ein bod yn rhwystro gwefan na ddylem ei rhwystro, cysylltwch â ni ar llyfrgell@conwy.gov.uk.