Daw’r ymgynghoriad hwn i ben ar 11 Medi 2024
Mae Tîm yr Amgylchedd, Ffyrdd a Chyfleusterau Cyngor Bwrdeistref Sirol Conwy yn bwriadu gwneud cais am ganiatâd cynllunio ar gyfer adeiladu llwybr teithio llesol a rennir rhwng Cyffordd Llandudno a Glan Conwy.
Fel rhan o hyn, rydym yn cynnal ymgynghoriad cyn ymgeisio o 14 Awst i 11 Medi 2024 i ddeall ein barn ar gynigion y datblygiad.
Beth yw’r problemau?
Nid oes unrhyw lwybr teithio llesol rhwng Glan Conwy a Chyffordd Llandudno ar hyn o bryd. Nid yw’r llwybrau presennol yn addas nac yn hawdd i bawb eu defnyddio.
Beth yw’r cynigion?
Diben y prosiect yw creu llwybr teithio llesol rhwng Glan Conwy a mynedfa gwarchodfa’r RSPB yng nghyffordd 18 yr A55. Bydd hwn yn cysylltu â’r cynllun teithio llesol newydd y mae Llywodraeth Cymru’n ei greu yng Nghyffordd 18 a hefyd yn cysylltu â’r bont i’r Cob er mwyn teithio ymlaen i Gonwy.
Mae’r llwybr hwn yn cynnwys:
- Pont newydd yn croesi llinell Rheilffordd Dyffryn Conwy o’r gilfan ar yr A470
- Mynediad ramp o’r bont i lwybr rhwng y rheilffordd ac Afon Ganol
- Pont newydd yn croesi Afon Ganol
- Llwybr a rennir i deithio ar droed, ar feic ac ar olwynion o amgylch perimedr gwarchodfa’r RSPB i’r Ganolfan Ymwelwyr
- Llwybr a rennir i Gyffordd 18 yr A55
- Gwell llwybr i’r bont ar Gob Conwy
Bydd y pontydd a’r llwybr a rennir ar gael i bawb eu defnyddio ac yn addas ac yn ddigon llydan i gerddwyr, beicwyr a defnyddwyr cadair olwyn, pramiau a sgwteri symudedd.
Cymerwch olwg ar y cynlluniau i gael mwy o fanylion am y cynigion.
Gweld y cynlluniau
Dewisiadau hygyrch
Gallwn ddarparu’r testun eglurhaol ar ffurf PDF hygyrch, print bras, hawdd ei ddeall, recordiad clywedol neu braille. Rydym hefyd y cynnig gwasanaeth dehongli Iaith Arwyddion Prydain.
Gallwn ddarparu disgrifiad llafar o’r cynigion dros y ffôn.
Gall preswylwyr ffonio Tîm Cynghori AFfCh ar 01492 575337 i siarad gyda swyddog. Os nad oes swyddog ar gael, byddwn yn cymryd eu manylion ac yn trefnu bod rhywun yn eu ffonio’n ôl.
Gallwch hefyd gysylltu â ni i ofyn am gopi papur o’r ymgynghoriad. Bydd lluniau yn cael eu darparu mewn maint A3, oni bai eich bod yn gofyn am fersiwn print bras.
Beth sy’n digwydd nesaf?
- Gwneud cais am ganiatâd cynllunio a chymeradwyaethau eraill ar gyfer yr opsiwn a ffefrir
- Gwneud cais am gyllid adeiladu
- Anelu at ddechrau adeiladu erbyn 2026
Bydd yr holl adborth y byddwn yn ei dderbyn o’r ymgynghoriad hwn yn cael ei ddadansoddi a’i ystyried yn ofalus cyn y byddwn yn gwneud cais am y caniatâd rydym ei angen i wneud y gwaith.