Beicio yw un o'r ffyrdd gorau o gael gweld arfordir gwych Conwy a’i atyniadau, tra hefyd yn cadw’n iach a helpu'r amgylchedd.
Teithio o gwmpas ar eich beic
Mae'r rhan fwyaf o lwybrau yng Nghonwy yn llwybrau di-draffig, sy’n darparu cyfleoedd delfrydol i feicwyr newydd a dibrofiad yn ogystal â selogion ymrwymedig. Mae'r rhan fwyaf o'r llwybrau hefyd yn darparu cyfleusterau ardderchog ar gyfer cerddwyr, cadeiriau olwyn neu ddefnyddwyr coets symudedd.
Mae Sustrans, elusen yn y DU sy'n gweithio gyda theuluoedd, cymunedau, llunwyr polisi a nifer o sefydliadau partner, wedi cyflwyno Rhwydwaith Beicio Cenedlaethol. Mae hyn yn cynnwys llwybr ar hyd arfordir Gogledd Cymru (Llwybr Cenedlaethol 5) sy'n cysylltu Rhyl, Bae Cinmel, Abergele, Bae Colwyn, Llandrillo yn Rhos, Llandudno a Chonwy.
Llwybr Beicio Cenedlaethol 5 – Gwybodaeth a Map
Dysgwch sut i gadw’ch beic mewn cyflwr da
Bikeability
Bikeability yw'r Hyfforddiant Beicio Safonol Cenedlaethol sy'n cael ei gynnig yn Sir Conwy. Mae Lefel 1 yn cael ei gynnal ar fuarth yr ysgol ac mae'n cynnwys symudiadau sylfaenol tra bod Lefel 2 yn cael ei gynnal ar ymyl y ffordd. Mae'r hyfforddiant yn cymryd 6 i 8 awr dan arweiniad hyfforddwyr cymwys y Sir o'r Gwasanaethau Hamdden sy'n gweithio mewn partneriaeth ag Adain Diogelwch y Ffyrdd. Rydym hefyd yn cynnig Lefel 3 ar gyfer plant ysgolion uwchradd ac oedolion.
Os ydych eisiau unrhyw gyngor ynglŷn â hyfforddiant Bikeability cysylltwch ag Adain Diogelwch y Ffyrdd ar 01492 575337 neu anfonwch e-bost i diogelwch.ffyrdd@conwy.gov.uk