Os ydych chi’n orbryderus, yn poeni, yn isel eich ysbryd a bod eich teimladau’n effeithio’n sylweddol ar eich bywyd, gallwch gael cymorth a chefnogaeth.
Bydd y sefydliadau a’r gwasanaethau isod yn darparu mwy o wybodaeth a chyngor i chi. Os ydych chi angen cymorth ar frys, ffoniwch 999, neu ewch i’ch adran damweiniau ac achosion brys agosaf, os ydych chi’n teimlo’n saff i wneud hynny.
Tîm Lles Meddyliol Cyngor Bwrdeistref Sirol Conwy
Mae’r tîm yn gweithio gyda phobl sy’n cael trafferth â’u hiechyd meddwl ac emosiynol, fel gorbryder ac iselder, sydd ddim angen triniaeth feddygol gan nyrs neu feddyg.
Mae’r tîm yn annog ffordd gadarnhaol o drin eich lles meddyliol ac yn rhoi cyfle i chi weithio gyda ni i fynd i’r afael â’r problemau sydd o bosib wedi cyfrannu at eich amgylchiadau presennol. Mae’r tîm yn eich ystyried chi’n arbenigwr ar eich sefyllfa eich hun a bydd yn gweithio gyda chi i ddod o hyd i atebion a chanlyniadau i’r problemau rydych chi’n eu profi.
Cysylltu â’r tîm
Dydd Llun / Dydd Iau 9am - 4.45pm
Dydd Gwener 9am - 4.15pm
0300 456 1111
Ar unrhyw adeg arall, cysylltwch â’r Tîm Tu Allan i Oriau
Gwasanaethau Iechyd
Mae hwb iechyd meddwl a lles yn cynnwys gwybodaeth ac adnoddau defnyddiol i'ch helpu i gael gafael ar gefnogaeth amrywiol y gallech fod ei angen.
Gallwch gysylltu â’ch meddyg teulu am gyngor a chymorth gyda’ch iechyd meddwl