Pwy all wneud cais am Orchymyn Amddiffyn Brys?
Gall y Gwasanaethau Plant neu rywun fel yr heddlu, Y Gymdeithas Genedlaethol er Atal Creulondeb i Blant neu gymydog fynd at ynad a gwneud cais am Orchymyn Amddiffyn Brys.
Gwneir Gorchmynion Amddiffyn Brys ar gyfer:
- Ymgeiswyr unigol, lle byddai’r plentyn yn cael niwed arwyddocaol heb fynd ag ef neu hi o’r cartref.
- Awdurdodau lleol sy’n gwneud ymholiadau ar gyfer gorchmynion eraill, ond bod yr ymholiadau hynny’n cael eu rhwystro neu’u gwrthod yn afresymol.
- Unigolion awdurdodedig, lle mae rheswm da dros amau fod niwed arwyddocaol yn digwydd, neu’n debygol o ddigwydd.
Am ba hyd mae Gorchymyn Amddiffyn Brys yn para?
Mae’r Gorchymyn Amddiffyn Brys yn para am wyth diwrnod, ac mae unrhyw un yn medru gwneud cais i’r llys am Orchymyn. Nid yw’r Gorchymyn bob amser yn atal y rhieni rhag cael cyswllt â’r plentyn neu’r plant.
Rhagor o wybodaeth
I gael mwy o wybodaeth am Orchmynion Amddiffyn Brys, ewch i wefan
Legislation.gov.uk neu cysylltwch â’r Tîm Dyletswydd ac Asesu ar 01492 575111.