Dathlu Gwaith Ieuenctid
Mae Cyngor Bwrdeistref Sirol Conwy yn cefnogi Wythnos Gwaith Ieuenctid 2024.
Y thema eleni yw “Pam Gwaith Ieuenctid?”, i dynnu sylw at effaith anhygoel ac amrywiaeth gwaith ieuenctid yng Nghymru.
Rhwng 23 - 30 Mehefin, cynhelir amrywiaeth o weithgareddau a dathliadau ar-lein - a hynny’n ychwanegol at y cannoedd o weithgareddau, prosiectau a mentrau sy’n digwydd fel arfer bob wythnos.
Dywedodd Faye Willet o’r Tîm Gwasanaeth Ieuenctid: “Mae’r Wythnos Gwaith Ieuenctid yn rhoi cyfle i ni rannu arfer da â gweithwyr ieuenctid ar draws y wlad ac mae’n gyfle i annog mwy o bobl i gymryd rhan. Mae hefyd yn codi ymwybyddiaeth ymhlith pobl ifanc am yr ystod o weithgareddau sydd ar gael iddynt ym Mwrdeistref Sirol Conwy.”
Bydd Gwasanaeth Ieuenctid Conwy yn nodi’r Wythnos Gwaith Ieuenctid gydag ystod o weithgareddau sydd at ddant pawb, o brosiectau celf a chrefft, sesiynau e-feiciau, i weithgareddau chwaraeon.
Os ydych chi rhwng 11–25 oed ac yn chwilio am rywbeth diddorol a hwyliog i’w wneud, ewch i www.conwyifanc.com i gael mwy o wybodaeth.
Wedi ei bostio ar 24/06/2024