Gellir canfod y wybodaeth ddiweddaraf yma:
https://www.gov.uk/government/publications/uk-shared-prosperity-fund-prospectus.cy
Diweddariad mis Rhagfyr 2022
Mae Cyngor Bwrdeistref Sirol Conwy yn croesawu cyhoeddiad Llywodraeth y DU ar 5 Rhagfyr 2022 fod cynllun Buddsoddi Rhanbarthol Gogledd Cymru ar gyfer y Gronfa Ffyniant Gyffredin wedi ei gymeradwyo. I ddarllen cyhoeddiad Llywodraeth y DU yn llawn ewch i:
Mae manylion ynglŷn â sut y bydd Cronfa Ffyniant Gyffredin y DU yn cael ei darparu yn dal i gael eu penderfynu. Felly dim ond wedi i’r manylion sydd eu hangen a’r trefniadau cyllido gael eu derbyn a’u hystyried y bydd Cyngor Bwrdeistref Sirol Conwy, yn unol ag awdurdodau lleol eraill Gogledd Cymru, yn gallu mynd ymlaen â’r broses gais.
Ar hyn o bryd rydym yn rhagweld y bydd Cronfa Ffyniant Gyffredin y DU yn dechrau dod yn weithredol ar hyd a lled Gogledd Cymru yn gynnar yn 2023.
Rydym yn parhau’n ymrwymedig i roi cyfle i sefydliadau gyflwyno cais am ran o’r arian ac fe fyddwn yn gweithio i helpu cymunedau lleol a busnesau i gael mynediad i gefnogaeth o Gronfa Ffyniant Gyffredin y DU.
Byddwn yn diweddaru’r dudalen hon yn rheolaidd wrth i fwy o wybodaeth ddod ar gael.
Yn y cyfamser, mae’r holl wybodaeth sydd wedi’i chyhoeddi gan Lywodraeth y DU ynglŷn â Chronfa Ffyniant Gyffredin y DU, gan gynnwys yr hyn y gellir defnyddio’r arian ar ei gyfer a’r allbynnau a’r canlyniadau y bydd angen i brosiectau eu cyflawni ar gael yma:
Diweddariad mis Tachwedd 2022
Yn dilyn cyflwyno Cynllun Buddsoddi Rhanbarthol Gogledd Cymru i Lywodraeth y DU ym mis Awst 2022, mae CBS Conwy, ynghyd â’r pum awdurdod lleol arall yng Ngogledd Cymru, yn aros am adborth gan Lywodraeth y DU. Rydym yn gweithio gyda’n cydweithwyr ar draws y rhanbarth i ddatblygu’r broses ymgeisio ac yn gobeithio dechrau gwahodd ceisiadau yn ystod yr ychydig fisoedd nesaf.
Yn y cyfamser, anfonwch e-bost at sharedprosperityfund@conwy.gov.uk os oes gennych unrhyw gwestiynau.