Mae Seicolegwyr Addysg yn gweithio ar draws ystod o leoliadau, (er enghraifft, lleoliadau’r Blynyddoedd Cynnar, ysgolion, darpariaeth ddysgu ychwanegol arbenigol a lleoliadau ôl-16), i’w helpu i gyflawni eu canlyniadau gorau posibl i blant a phobl ifanc.
Mae Seicolegwyr Addysg yn gweithio mewn partneriaeth gyda phlant a phobl ifanc, eu teuluoedd, ysgolion, lleoliadau ac asiantaethau eraill ynglŷn ag ystod eang o anghenion o ran eu:
- Dysgu
- Iaith a Chyfathrebu
- Datblygiad Synhwyraidd a Chorfforol
- Datblygiad Cymdeithasol ac Emosiynol
- Lles
Mae Seicoleg Addysg yn ein helpu ni ac eraill i ddeall sut mae plant yn datblygu a dysgu yn ogystal â sut maen nhw’n meddwl, teimlo ac yn ymddwyn.
Y mathau o wasanaethau y gall Gwasanaethau Seicoleg Addysg eu darparu yw:
- Ymgynghoriad, cyngor ac asesiad arbenigol
- Darparu ymyriadau seicolegol
- Darparu cymorth i rieni/gofalwyr
- Ymgymryd â gwaith ymchwil, gwerthuso a datblygu polisi ac arfer
- Darparu datblygiad proffesiynol a hyfforddiant
- Cefnogi cymunedau pan fydd digwyddiadau difrifol a digwyddiadau trist
Gellir dod o hyd i fwy o wybodaeth am y gwasanaethau hyn yma:
Seicolegwyr addysg yng Nghymru - PDF (llyw.cymru)
Mae gan bob un o’n seicolegwyr addysg gymwysterau proffesiynol cymeradwy ac maent wedi cofrestru gyda Chyngor y Proffesiynau Iechyd a Gofal.
Os ydych yn meddwl y gallai fod angen cyfranogiad Seicolegydd Addysg ar eich plentyn, siaradwch â Chydlynydd Anghenion Dysgu Ychwanegol eu hysgol.
Ar gyfer ymholiadau mwy cyffredinol cysylltwch â ady@conwy.gov.uk