Mae Pecyn Gwaith Anghenion Dysgu Ychwanegol (ADY) 0 - 25 mlwydd oed Conwy a Sir y Fflint wedi’i anelu at bob darparwr a lleoliad addysgol sy'n cefnogi plant a phobl ifanc 0 - 25 oed Conwy.
Mae’r pecyn gwaith hwn yn cyflwyno ieithwedd a dull gweithredu cyffredin i gefnogi’r holl fudd-ddeiliaid i feithrin dealltwriaeth ar y cyd o anghenion plant a phobl ifanc a’r amrywiaeth o ymyriadau addas sydd ar gael i sicrhau y bodlonir yr anghenion hynny’n brydlon.
Mae’n cynnig ymateb graddedig, gan gydnabod fod yno gontinwwm o anghenion sy’n golygu bod yn rhaid adnabod achosion ac ymyrryd yn gynnar, o’r sylfaen o addysgu gwahaniaethol o ansawdd uchel a darpariaeth gynhwysol hyd y gofyn am ddarpariaeth ddysgu ychwanegol i’r rhai hynny sydd â’r anghenion mwyaf.
Lawrlwytho'r Pecyn Cymorth ADY Conwy a Sir y Fflint (PDF, 7MB)