Lleoliad: Pwll Padlo Llanfairfechan, West Shore Road, Llanfairfechan LL33 0DA.
Ger llyn mawr, parc plant a Llecyn Gemau Amlddefnydd, mae hwn yn bwll petryal traddodiadol sy’n mesur 17m x 6m, ac sy’n 0.6m o ddyfnder ar ei bwynt dyfnaf.
Gyda golygfeydd anhygoel tua Bangor ac Ynys Môn, mae'r pwll padlo'n fan delfrydol i fwynhau diwrnod hamddenol braf. Mae byrddau picnic gyda seddi ar gael ac mae’r ffens derfyn ddiogel o’i amgylch yn rhoi tawelwch meddwl ychwanegol i rieni.
Mae yna gaffis a chludiant cyhoeddus o fewn pellter cerdded, gyda dewis o siopau coffi hefyd o fewn y dref.
O ganlyniad i waith cynnal a chadw dyddiol bydd y pwll nofio ar agor o 10am tan 7pm.
Ar gyfer ymholiadau cyffredinol/sylwadau am byllau padlo, anfonwch e-bost at hamdden.leisure@conwy.gov.uk neu ffoniwch 0300 4569 525.
Rheolau pyllau padlo plant
- Nid yw’r cyfleuster hwn yn cael ei oruchwylio’n swyddogol
- Rhaid i blant ifanc gael eu goruchwylio gan oedolyn
- Dim rhedeg yn y pwll nac o’i amgylch
- Dim deifio
- Dim bwyd na diod yn y dŵr
- Dim gwydr o amgylch y pwll
- Peidiwch â gadael ysbwriel yma
- Dim cŵn o gwbl yn yr ardal yma
- Gwisgwch esgidiau pwll nofio/glan môr priodol
Cwestiynau cyffredin
Pa fisoedd mae'r pyllau padlo ar agor?
Anelwn agor y pyllau padlo erbyn canol mis Mai a chau ganol mis Medi.
Pa mor fawr ydi’r pyllau padlo Conwy?
Dimensiynau pwll padlo
| Pwll padlo | Dimensiynau | Faint o ddŵr |
|---|
| Craig y Don |
116m x 21m x 0.66m |
1608 metrau ciwbig / 12,060 galwyn |
| Llanfairfechan |
17m x 6m x 0.8m |
82 metrau ciwbig / 615 galwyn |
| Penmaenmawr |
11m x 8m x 0.33m |
29 metrau ciwbig / 217 galwyn |
| Llandrillo-yn-Rhos |
17m x 8m x 0.5m |
68 metrau ciwbig / 510 galwyn |
Pa mor aml mae’ch staff yn mynd i’r pyllau padlo?
Bydd aelod o’r tîm yn ymweld â phob pwll nofio pob dydd.
Sut ydych chi’n glanhau’r pyllau?
Mae’r tasgau dyddiol yn cynnwys:
- adlifo - ydi gwrthdroi llif y dŵr i fflysio unrhyw halogydd o’r hidlydd
- gwneud yn siŵr bod lefel y dŵr yn iawn
- ychwanegu a gwirio lefel y diheintydd cemegol
- glanhau’r pwll a’r ardal ger y pwll
Sut a pha mor aml ydych chi’n profi’r dŵr?
Rydym ni’n cymryd darlleniadau clorin a pH ddwywaith y dydd. Mae cwmni annibynnol yn cynnal profion microbiolegol bob mis.
Pam bod y pyllau nofio yn agor am 10am?
Mae hyn yn rhoi amser i’n tîm wneud y tasgau dyddiol (uchod).
Ydi’r pyllau yn cael eu draenio a’u hail-lenwi dros yr haf?
Anaml iawn y mae’n rhaid gwagio ac ail-lenwi pyllau padlo Craig y Don, Penmaenmawr a Llandrillo-yn-Rhos. Oherwydd cylchrediad cyfyngol, caiff pwll padlo Llanfairfechan ei wagio a’i ail-lenwi’n amlach.