Rydym i gyd yn gyfrifol am ddiogelwch aelodau mwyaf diamddiffyn ein cymdeithas.
Mae gan bawb yr hawl i fod yn ddiogel, ni waeth pwy ydynt neu beth yw eu hamgylchiadau. Mae diogelu yn ymwneud ag amddiffyn plant, pobl ifanc ac oedolion diamddiffyn rhag camdriniaeth neu esgeulustod.
Cadw plant yn ddiogel
Dylai plant fyw mewn lle diogel a chael eu diogelu rhag niwed. Rydym yn gweithio gyda Llywodraeth Cymru a sefydliadau eraill i sicrhau bod pob plentyn:
- yn cael dechrau da mewn bywyd
- gyda mynediad at addysg a dysgu
- mor iach â phosibl
- yn rhydd rhag gamdriniaeth, erledigaeth a cham-fanteisio
- gyda mynediad i weithgareddau chwarae, hamdden, chwaraeon a diwylliannol
- yn cael eu clywed, eu trin â pharch
- yn cael eu hil a'u hunaniaeth ddiwylliannol wedi’u cydnabod
- gyda chartref diogel a chymuned lle gallant dyfu
- ddim dan anfantais oherwydd tlodi.
Cadw oedolion yn ddiogel
Mae oedolion sydd mewn perygl o gamdriniaeth neu esgeuluso yn aml yn oedrannus ac yn fregus, yn byw ar eu pen eu hunain yn y gymuned, neu heb lawer o gymorth teuluol mewn cartrefi gofal. Efallai nad oes ganddynt lawer o gefnogaeth oddi wrth y teulu ac maent yn dibynnu ar bobl eraill i ofalu amdanynt a gwneud penderfyniadau ar eu rhan. Maent yn aml yn bobl sydd ag anableddau corfforol neu ddysgu neu anghenion iechyd meddwl.
Rydym yn cefnogi unigolion diamddiffyn i’w hamddiffyn rhag camdriniaeth neu fathau eraill o gamfanteisio. Rydym hefyd yn eu helpu i gael rheolaeth dros eu bywydau ac i wneud eu penderfyniadau eu hunain.
Os ydych yn pryderu am ddiogelwch a lles oedolyn diamddiffyn, rhowch wybod i ni.
Mwy o wybodaeth
Tudalennau diogelu Llywodraeth Cymru
Gwefan Bwrdd Diogelu Gogledd Cymru