Mae Gwasanaeth Gweithlu Conwy wedi buddsoddi mewn amrywiaeth o gyrsiau hyfforddi ar-lein, sydd ar gael drwy CareTutor / BVS, er mwyn darparu ffordd hyblyg i’ch timau staff ddysgu.
Mynediad ar-lein
Gallwch fanteisio ar unrhyw fodiwl e-ddysgu ar y rhestrau o fodiwlau sydd ar gael.
Mae’n well gan rai aelodau o staff wneud y modiwlau ar amser sy’n fwy cyfleus iddyn nhw; fe ddylech anfon ceisiadau am fynediad at y modiwlau yma at hyfforddiant.gc@conwy.gov.uk gan nodi enw’r unigolyn, enw’r sefydliad, cyfeiriad e-bost personol a theitl y modiwl.
Bydd modiwlau heb eu cwblhau o fewn 3 mis o’r dyraniad yn cael eu dileu ar gyfrif y defnyddiwr.
Sesiynau ymgyfarwyddo
Fel arall gall Tîm y Gweithlu gynnig sesiwn ymgyfarwyddo undydd wyneb yn wyneb, i ddangos i’ch staff sut i gael mynediad at y modiwlau ar iPad a’u cefnogi nhw i gysylltu’r iPad â’r wifi a chanfod y modiwlau perthnasol (darperir iPad).
Yn ystod y sesiwn ymgyfarwyddo gallwn gynnig cymorth i gwblhau’r modiwlau cymhwysedd craidd canlynol:
- Datblygu fel gweithiwr
- Cydraddoldeb, amrywiaeth a chynhwysiant
- Parch ac urddas
- Cyfathrebu effeithiol 1 a 2 (sy’n cynnwys awgrymiadau ar gadw cofnodion)
- Atal a rheoli heintiau
- Gofal dementia 1: Deall dementia
- Gofal dementia 2: Gofal dementia sy’n canolbwyntio ar yr unigolyn
- Atal briwiau pwyso
Amodau mynediad at fodiwlau mewn sesiwn ymgyfarwyddo:
- Os ydych chi’n dewis cael sesiwn ymgyfarwyddo, byddwn yn cysylltu â chi i drefnu dyddiad a lleoliad cyfleus o fewn cyfnod o dri mis. Gallwn ddod i’ch sefydliad chi neu fe allwn chwilio am ystafell hyfforddi yng Nghoed Pella, Bae Colwyn.
- Bydd angen i chi roi gwybod i ni sawl aelod o staff sydd angen mynediad at y modiwlau (hyd at 8 ymhob sesiwn).
- Os byddwn ni’n darparu’r hyfforddiant yn eich lleoliad chi, gwnewch yn siŵr bod y cysylltiad wifi yn un da, bod digon o le a bod y staff yn cael eu rhyddhau i fynd i’r hyfforddiant ar y diwrnod a ddewisir.
Os hoffech chi gael unrhyw wybodaeth bellach, anfonwch e-bost at hyfforddiant.gc@conwy.gov.uk.
Tudalen nesaf: Sut mae'r modiwlau'n gweithio